ދިވެހި ވަތަނީ ހިދުމަތުގެ ތަމްރީނުގެ ދެވަނަ ބެޗުގެ ބައިވެރިންގެ ތަމްރީނުތައް ނިމި ބައިވެރީން ދަސްވެނިވެއްޖެ އެވެ.

މި ބައިވެރީން ދަސްވެނިވުމަށް މިއަދު ވަނީ ޅ. މާފިލަފުށީގައި ބޭއްވި ރަސްމިއްޔާތު ޝަރަފުވެރިކޮށްދެއްވީ ދިފާއީ އަދި ވަތަނީ ހިދުމަތާ ބެހޭ ވަޒީރު ހަސަން ރަޝީދެވެ.

ޑިފެންސް މިނިސްޓްރީން ބުނި ގޮތުގައި ދިވެހި ވަތަނީ ހިދުމަތުގެ ތަމްރީނުގެ ދެވަނަ ބެޗުގައި 112 ރަށަކަށް ނިސްބަތްވާ 343 ބައިވެރީން ވަނީ ދަސްވެނިވެފަ އެވެ. މީގެތެރެއިން 113 ބައިވެރީންނަކީ އުމުރުން 18 އަހަރުން ދަށުގެ ކުދީންނެވެ.

ވަތަނީ ހިދުމަތުގެ ޕްރަގްރާމްގެ ދެވަނަ ބެޗުގެ ބައިވެރިވުން ދަސްވެނިވުން --

މި ފަަހަރު ދަސްވެނިވި ބައިވެރީންގެ ތެރޭގައި 63 އަންހެން ބައިވެރީން ހިމެނެ އެވެ. 280 ފިރިހެން ބައިވެރީން ހިމެނެ އެވެ.

މި ބައިވެރީންނަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މަރުހަބާ ވިދާޅުވެފަ އެވެ.

ވަތަނީ ހިދުމަތުގެ ތަމްރީނުގައި ދިވެހި ޤައުމިއްޔަތާއި ޒިންމާދާރު ރައްޔިތުކަމާއި، ދީނީތަރުބިއްޔަތާއި، ލީޑަރޝިޕާއި، ފަސްޓްއެއިޑް، ފަޔަރފައިޓިންގ، ލޭންގުއޭޖް ޕްރޮފިޝެންސީ، ހަށިހެޔޮކަމާއި ފެތުމާއި މޫދަށް އަހުލުވެރިވުން ހިމެނެ އެވެ. އަދި ހެވިކަމާއި ކަސްރަތާއި ކުޅިވަރު އަދި ކޭމްޕިން އާއި ފީލްޑް އެކްޓިވިޓީތައް ވެސް ހިމެނެ އެވެ.

ނޭޝަނަލް ސަރވިސް އިނީޝަލް ޓްރެއިނިން ފުރިހަމަ ކުރުމުން ހާސިލްކުރެވޭނެ ސަނަދުތަކުގެ ތެރޭގައި ސެޓްފިކެޓް 3 އިން ސިވިކް އެޑިއުކެޗަން އެންޑް ލީޑަރޝިޕް، ކޮމިޔުނިޓީ ވޮލަންޓިއަ ފަޔަރ ފައިޓަރ، ބޭސިކް ފަސްޓް އެއިދް ސެތްފިކެޓް އަދި ޕިއަރ އެޑިއުކޭޝަން ޓްރެއިނިން ފުރިހަމަކުރިކަމުގެ ސެޓްފިކެޓް ހިމެނެއެވެ.

ވަތަނީ ހިދުމަތުގެ ޕްރަގްރާމްގެ ދެވަނަ ބެޗުގެ ބައިވެރިވުން ދަސްވެނިވުން --

ނޭޝަނަލް ސާވިސް އިނީޝިއަލް ޓްރޭނިންގެ ފުރަތަމަ ބެޗު ނިމިފައިވާއިރު، މި ކޯޙުގައި ރާއްޖޭގެ 108 ރަށަކަށް ނިސްބަތްވާ 350 ދަރިވަރުން ބައިވެރިވި އެވެ. 64 އަންހެން ދަރިވަރުންނާއި 286 ފިރިހެން ދަރިވަރުން ބައިވެރިވި އެ ކޯހުގައި ދަސްވެނިވި ދަރިވަރުންގެ އެވްރެޖް އުމުރަކީ 18 އަހަރެވެ.

13 ހަފުތާގެ މުއްދަތަށް ކުރިއަށްގެންދިޔަ އެ ތަމްރީނު ޕްރޮގްރާމް ފުރިހަމަކޮށް، 344 ދަރިވަރުން ވަނީ ދަސްވެނިވުނުއިރު، މީގެ ތެރެއިން 96 އިންސައްތަ ދަރިވަރުން ވަނީ ތަމްރީނުގައި ކަނޑައަޅާފައިވާ މިންގަނޑުތައް ހާސިލުކޮށް، ސެޓިފިކެޓް 3 އިން ސިވިކް އެޑިޔުކޭޝަން އެންޑް ލީޑާޝިޕް އެވޯޑް ހާސިލުކޮށްފަ އެވެ.