އދ މަހިބަދޫ އާ ކައުންސިލް އިންތިހާބުކޮށް ކައުންސިލްގެ ނައިބުރައީސް ހޮވުމުގެ ވޯޓު އެމްޑީޕީގެ މެންބަރު ޒައީމާ މުހައްމަދު ކާމިޔާބުކޮށްފިއެވެ.
މަހިބަދޫ ކައުންސިލްގެ ނައިބުރައީސްކަމުގެ މަގާމު ޒައީމާ ކާމިޔާބުކޮށްފައިމިވަނީ، އެމަގާމަށް މެމްބަރަކު އިންތިހާބުކުރަން ހަތްފަހަރު ވޯޓުލުން ބާއްވައި އެންމެފަހުން އަށްވަނައަށް ވީ ފަހަރެވެ. ރޭ ބޭއްވި އިންތިހާބުގައި ޒައީމާއަށް ވަނީ ތިން ވޯޓު ލިބިފައެވެ.
ޒައީމާ އާ އެންމެ ވާދަވެރި ކެނޑިޑޭޓް، ޕީއެންސީގެ މެންބަރު މުހައްމަދު މައުމޫނަށް ލިބިވަޑައިގެންނެވީ ދެ ވޯޓެވެ. ކައުންސިލްގެ ނައިބުރައީސް ކަމުގެ މަގާމަށް އައުމަށް ތިން މެމްބަރަކު ކުރިމަތިލެއްވިއެވެ.
އަށްވަނަ ފަހަރަށް ވޯޓު ލައިގެން މަހިބަދޫ ކައުންސިލްގެ ނައިބުގެ މަގާމް ހޮވާފައިވާއިރު، ނާއިބެއް ހޮވުމުގެ މަސައްކަތް ނުނިމޭތީ މަހިބަދޫ ކައުންސިލްގެ ގާނޫނީ ޒިންމާތައް އަދާކުރުމަށް ވަނީ ހުރަސްތަކެއް ކުރިމަތިވެފައެވެ.
އާ ދައުރަކަށް ހޮވުނު ކައުންސިލަރުން ހުވާކުރުމުގެ ރަސްމިއްޔާތު ބާއްވާފައިވަނީ، މިދިޔަ އާދިއްތަދުވަހުއެވެ.
Advertisement
This content is created and paid for by advertisers and does not involve Voice Journalists
