އިނގިރޭށި ޕްރިމިއާ ލީގް މި ސީޒަންގެ ފަހު މެޗްތައް ރޭ ކުލެ ނިންމާލިއިރު ވެސްޓްހޭމް ޔުނައިޓެޑް ރެލިގޭޓްވެ، ޓޮޓެންހަމް ހޮޓްސްޕާ ހަނިގޮތަކަށް ސަލާމަތްވެއްޖެއެވެ.

ޕްރިމިއާ ލީގްގައި ރޭ ސްޕާސް ސަލާމަތްވީ އެވަޓަން އާ ދެކޮޅަށް ކުޅުނުމެޗް، ކާމިޔާބުކޮށްގެންނެވެ. އަމިއްލަ ދަނޑުގައި ކުޅުނު މިމެޗް އެވަތަންގެ މައްޗަށް އެޓީމް ކުރި ހޯދީ 1-0 ގެ ނަތީޖާއަކުންނެވެ. މެޗްގައި ފެނިގެންދުޔަ މުހިންމު ލަނޑު ސްޕާސްއަށް ކާމިޔާބުކޮށްދިނީ، 43 ވަނަ މިނެޓް ތެރޭގައި ޕަލިންހާ އެވެ.

ރޭގެ މެޗަށްފަހު ސްޕާސް ކުޅުންތެރިން.. ފޮޓޯ: ގެޓީ

ޕްރިމިއާ ލީގްގައި ރޭ ވެސްޓްހޭމް ޔުނައިޓެޑާ ލީޑްސް ބައްދަލުކުރިމެޗް ވެސްޓްހޭމް ކާމިޔާބުކުރިނަމަވެސް ސްޕާސް މޮޅުވުމުން ޕްރިމިއާ ލީގް ޖާގައެއް ހޯދުމަށް ވެސްޓްހޭމުން ކުރަމުން އައި އުއްމީދު ވަނީ ގެއްލިފައެވެ. ރޭ މެޗުން ސްޕާސް މޮޅުވުމުން ރެލިގޭޓްނުވެ އެޓީމް ސަލާމަތްވީ ދެ ޕޮއިންޓްގެ ތަފާތަކުންނެވެ.

ޕްރިމިއާ ލީގް މެޗްތައް ނިންމާލިއިރު 41 ޕޮއިންޓާއެކު ތާވަލްގެ 17 ވަނަ ސްޕާސްއަށް ލިބުނުއިރު، ވެސްޓްހޭމްއަށް ލިބުނީ 39 ޕޮއިންޓާއެކު ތާވަލްގެ 18 ވަނައެވެ.