މަގުމަތީގައި ހިނގި އެކްސިޑެންޓްއަކާ ގުޅިގެން ފުލުހުން މުޢާމަލާތްކުރި ގޮތުން، އެވަގުތު ތަޙައްމަލުކުރަންޖެހިވަޑައިގެންނެވި ނަފްސާނީ ނުތަނަވަސްކަމަށް ބޮޑު ލުޔެއް ލިބިގެންދިޔަ ކަމަށް ދީނީ ޢިލްމުވެރިޔާ ޝެއިޚް އަޙްމަދު ސަމީރު ވިދާޅުވެއްޖެއެވެ.
ޝެއިޚް ސަމީރު މިކަން ފާހަގަކުރެއްވީ "ޢިލްމީ ޚަޒާނާ" ޕްރޮގްރާމްގައި ރިވެތި މުޢާމަލާތުގެ މުހިންމުކަމުގެ މައްޗަށް އަލިއަޅުވާލައި ވާހަކަދައްކަވަމުންނެވެ.
އެގޮތުން، ޝެއިޚްވަނީ ޝެއިޚްއަށް ދިމާވި އެކްސިޑެންޓެއްގެ ތަޖުރިބާ ޙިއްސާކުރައްވާފައެވެ.
ޝެއިޚް ވިދާޅުވީ، އެކްސިޑެންޓްވި ވަގުތު މުޅި މަގު ބެދި، އުޅަނދަށް ބޮޑެތި ގެއްލުންތަކެއް ލިބުމުން ވަރަށް ބޮޑަށް ކަންބޮޑުވެ ނުތަނަވަސްކަން ލިބިވަޑައިގެންނެވި ކަމަށެވެ. އަދި އެއީ ޝެއިޚްގެ ދިރިއުޅުމުގައި ކުރިމަތިވި މިފަދަ ފުރަތަމަ ހާދިސާ ކަމަށްވުމުން، އެވަގުތު ހުރީ ވަރަށް ބޮޑަށް ދެރަވެ މާޔޫސްވެފައި ކަމަށް ޝެއިޚް ކިޔައިދެއްވިއެވެ.
މާލޭ މަގުމަތީގަ އެކްސިޑެންޓެއް ވުމަކީ ހަމައެކަނި އެކްސިޑެންޓެއް ނޫން. އެއާއެކު މުޅި މަގު ބަންދު ކުރެވޭ މައްސަލައެއް. އެންމެން ކަންބޮޑުވާ މައްސަލައެއް. އެންމެން ބަލަހައްޓައިގެން. މަގޭ މާލޭ ކާރުބާރު ބޮޑު މަގެއްގަ އެކްސިޑެންޓް ވުމަކީ ދެން ވަރަށް އެހެން ކަހަލަ ކަމެއް. އެކްސިޑެންޓްވި މީހާ އަށް އެއްކަލަ ވަރަށް ބޮޑަށް ދެރަވެ ވަރަށް ބޮޑަށް މީހާ ކަންބޮޑުވާ މައްސަލައެއް… الله ގެ ރަޙްމަތުން ޖާނަށް ގެއްލުމެއް ނުވި ނަމަވެސް، ވެހިކަލަށް ލިބުނު ގެއްލުން ބޮޑު، އެ މަރާމާތުކުރަން ބޮޑު ހަރަދެއް ދާނެކަން" ޝެއިޚް ވިދާޅުވިއެވެ.
ނަމަވެސް، އެ ހާދިސާ ހިނގި ސަރަހައްދަށް ވަޑައިގެންނެވި ފުލުސް އޮފިސަރު ކަންތައް ކުރެއްވި ގޮތުން ލިބުނު ހިތްހަމަޖެހުން ޝެއިޚް ވަނީ ޚާއްޞަ ގޮތެއްގައި ފާހަގަކުރައްވާފައެވެ.
"އެ ބޭފުޅާ ވިދާޅުވީ އެކްސިޑެންޓް ވާނެއޭ، އެއީ އާ ކަމެއް ނޫނޭ. އެއީ އަޅުގަނޑުގެ ހިތަށް ވަރަށް ބޮޑު ހަމަޖެހުމެއް ލިބުނު ބަހެއް. އެކަމުގެ ސަބަބުން، އެކްސިޑެންޓާ ގުޅިގެން ދެން ހުރި މަރުހަލާތަކާއި ތަޙްޤީޤަށް ކުރިމަތިލާން ނަފްސަށް ވަރަށް ބޮޑަށް ފަސޭހަވެގެން ދިޔަ،" ޝެއިޚް ސަމީރު ވިދާޅުވިއެވެ.
އެކަމު އެބޭފުޅާ ވަޑައިގެން އަޅުގަނޑަށް އެއްޗީކީނަމަ ރޮވުނީސް ކަންނޭނގެ. މާނައަކީ ހިތްދަތިވެ އަސަރު ހުރީސް އެހެން ގޮތަކަށް ކަންނޭނގެ. އަޅުގަނޑު ހުރީ އިރަކުގަ ނަފްސަށް ވަރަށް ބޮޑަށް މާނެވީއާތު ވަރަށް ބޮޑަށް ކަތިލެވިފައި. މުދާ ހަލާކުވެފައި. މަގުމަތި. ހަރާބުވެފައި. ދެން އަނެއްކޮޅުން ބަލާއިރުގަ އަޅުގަނޑު މީގެ ގޯސް ހެދިފައި މިއޮތީ އަނެއްހެން.. އެކަމަކުވެސް އެއާއި އެ މުއާމަލާތް ކުރެއްވި ގޮތް. އަޅުގަނޑުގެ ނަފްސަށް ވަރަށް ބޮޑަށް ފަސޭހައަކަށްވެގެންދިޔަ. ކަންކަމާ ކުރިމަތިލާ. މިއަދު އެެ ވާހަކަ މިކިޔާދެނީ އެ ހަނދާން އަޅުގަނޑު ސިކުނޑީގަ ހުރީމަ. ނަމަވެސް ބޮޑު އެއްޗެއް ނޫން ދެއްތޯ އެބޭފުޅާ ވިދާޅުވީ. ވަރަށް ކުޑަކުޑަ އެއްޗެއް…
ޝެއިޚް ސަމީރު
ޝެއިޚް އިތުރަށް ވިދާޅުވީ، އިންސާނަކަށް ދަތި ހާލަތެއް ކުރިމަތިވާ ވަގުތު އަނެކާ ބުނެލާ ރީތި ބަހަކީ އެމީހެއްގެ ހިތުގައި ބަދަލުނުވެ ދެމިހުންނާނެ އެއްޗެއް ކަމަށެވެ.
ހަމަ އެގޮތަށް، ދުލުން ކުރާ ޒަހަމަކީ ކަނޑިން ކުރާ ޒަހަމަށްވުރެ ބޮޑުވެފައި، ހަނދާނުން ފޮހެލަން އުނދަގޫ އެއްޗެއްކަން ފާހަގަކުރައްވައި، ކޮންމެ މީހަކުވެސް އަނެކާއާ މުޢާމަލާތްކުރުމުގައި ރިވެތި އަދަބުތައް އިސްކުރުމަށް ޝެއިޚް ނަސޭހަތްތެރިވެލެއްވިއެވެ.
Advertisement
This content is created and paid for by advertisers and does not involve Voice Journalists
