ހައްޖުގެ އަޅުކަން އަދާކުރުމަށްފަހު އެނބުރި އަންނަ އެއްވެސް ފަރާތެއް ރޯގާއަށް ޝައްކު ކުރެވޭނަމަ ކިއުގަ ނުޖެހި އައިޖީއެމްއެޗަށް ދެއްކޭނޭކަމަށް އެ ހޮސްޕިޓަލުން ބުނެފިއެވެ.
އައިޖީއެމްއެޗުން ބުނީ، ހައްޖުގެ އަޅުކަމަށްފަހު އެނބުރި ރާއްޖެ އަންނަ ފަރާތްތަކުން ހުން ނުވަތަ ރޯގާއަށް ޝައްކު ކުރެވޭފަދަ އެއްވެސް އަލާމާތެއް ފެނިއްޖެނަމަ، ހޮސްޕިޓަލްގެ ކުއްލި ފަރުވާދޭ ބަޔަށް އައިސް ކައުންޓަރުގައި އިންނަ މުއައްޒަފަށް ރިޕޯޓްކުރުމަށް އިލްތިމާސްކުރާ ކަމަށެވެ.
އެ ހޮސްޕިޓަލުން ވަނީ ހައްޖުން އެނބުރި މާލެ އައިސް ސިއްހީ އެއްވެސް ފަރުވާއެއް ބޭނުންވާ މީހަކު ހުރިނަމަވެސް ވީ އެންމެ އަވަހަކަށް އެ ހޮސްޕިޓަލުގެ ކުއްލި ފަރުވާދޭ ބަޔަށް އައިސް ރިޕޯޓްކުރުމަށް އެދިފައެވެ.
އައިޖީއެމްއެޗުން ވަނީ ޑޮކްޓަރަށް ދެއްކުމަށް އަންނަ ފަރާތްތަކުން މާސްކު އަޅައިގެން އައުމަށްވެސް އިލްތިމާސްކޮށްފައެވެ.
ކޮންމެ އަހަރެއްގެވެސް ހައްޖުވެރިން އަންނަ ދުަވަސްވަރު ރޯގާ އާއްމުވާއިރު، ހައްޖުވެރިން ބަލާ އެއާޕޯޓަށް ދާއިރު އެކަންކަމަށް ސަމާލުވުމަށް ކަމާބެހޭ ފަރާތްތަކުން އިލްތިމާސްކުރެއެވެ.
Advertisement
This content is created and paid for by advertisers and does not involve Voice Journalists
