ޑާކްރެއިނުން އޮލިމްޕަހުގައި އެޅުވުމަށް ތައްޔާރުވަމުން އަންނަ "ޖަންނަތު" ގެ ފުރަތަމަ ޓީޒާ ދައްކާލައިފިއެވެ.
ޓީޒާގައި ފެނިގެންދަނީ ނުކުޅެދުންތެރިކަން ހުންނަ މީހަކު ގޮވައިގެން ކުޑަ އަންހެންކުއްޖަކު މަގުމަތިން ދާތަނެވެ. މަންޒަރަށް ބަލާލުމުން ބޮޑަށް ސިފަވެގެންދަނީ އެއީ އެކުއްޖާގެ ބައްޕަގެ ގޮތުގައެވެ.
ކޮންމެއަކަސް ޖަންނަތުގެ އާ ޓީޒާ އާއެކު، ސޯޝަލް މީޑިއާގައި ފެނިގެންދިޔަ ކޮމެންޓްތަކަށް ބަލާލުމުން އެނގިގެންދިޔައީ މި ފިލްމް ބަލާލުމުގެ ބަލާލުމަށް މީހުންގެ ޝައުގުވެރިކަން އިތުރުވެގެންދިޔަ ކަމެވެ. މިއީ އަދި މި ފިލްމުގެ ޖިބްރީން އަދި ޖަންނަތުގެ ކުލަގަދަ ހަޔާތުން ފެނިގެންދާ ކުޑަ މަންޒަރެއްކަމަށް ޑާކްރެއިނުން ބުނެއެވެ.
ޖަންނަތުގެ ފުރަތަމަ ޓީޒާ
ޖަންނަތު މި ފިލްމަކީ އަހުމަދު ތޮލާލް އަދި އާއިޝަތު ފުއާދުގެ ލިޔެފައިވާ ސްކްރިޕްޓެއްގެ މައްޗަށް ބިނާކޮށް އަލީ ޝިފާޢު ދައިރެކްޓްކުރާ ފިލްމެކެވެ. މިއީ ދިވެހި ސިނަމަާއިން ފެނިގެންދާނޭ ތަފާތު ފިލްމަކަށް ވެގެންދާނޭކަމަށް ބެލުންތެރިން ދެކެއެވެ. ސަބަބަކީ ޑާކްރެއިނަކީ ފިލްމަކަށްވުރެ ފިލްމެއް ތަފާތުކޮށް ގެނެސްދެމުން އަންނަ ބަޔަކަށްވާތީއެވެ.
އޮލިމްޕަހުގައި ޖަންނަތު އެޅުވުމަށް ނިންމާފައިވަނީ އޮގަސްޓްމަހުގެ 3 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
