ދިވެހިލީގް ކޮލިފައިންގައި ރޭ ބިސްބުރާއި ޓީސީ ސްޕޯޓްސް ކްލަބް ބައްދަލުކުރި މެޗް އެއްވަރުވެގެން ނިމިއްޖެއެވެ.
ގަލޮޅު ދަނޑުގައި ކުޅުނު މިމެޗް ނިމުނީ 1-1 ގެ ނަތީޖާއިންނެވެ. މެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީ ޓީސީންނެވެ. އެއީ މެޗްގެ 20 ވަނަ މިނެޓް ތެރޭގައި ހުސައިން ޝަރީފް ޖަހައިދިން ލަނޑުންނެވެ.
ޓީސީން ލީޑް ނަގައި ހިފަހައްޓާލެވުނީ ފުރަތަމަ ހާފްގެ 42 ވަނަ މިނެޓާ ހަމައަށެވެ. މެޗްގެ ފުރަތަމަ ހާފް ނިމުމުގެ ކުރިން މި ލަނޑު ބިސްބުރަށް ކާމިޔާބުކޮށްދިނީ، އާމިރު ޝުައައިބް އެވެ.
ލަނޑޖެހުމަަށްފަހު ޝުއައިބު..
މި ލަނޑު ޖަހާފައިވަނީ ބިސްބުރަށް ލިބުނު ޕެނަލްޓީއަކުންނެވެ. އެއީ މުހައްމަދު ނަޝީދު ފޮނުވާލި ބޯޅަ ޑިފެންޑަރު އަޖުފާންގެ އަތުގައި ޖެހުމުން ލިބުނު ޕެނަލްޓީއެކެވެ.
މެޗްގައި ދެޓީމަށްވެސް ވަނީ ލަނޑު ޖަހާނެ ރަނގަޅު ފުރުސަތުތައް ލިބިގެންގޮސްފައެވެ.
ދިވެހިލީގްގެ ކޮލިފިކޭޝަންގެ ގިނަ މެޗްތަކެއް އެއްވަރުވެގެން ނިމިފައިވާއިރު، މިހާތަނަށް މެޗަކުން މޮޅުވެ ތިން ޕޮއިންޓް ހޯދުނު ހަމައެކަނި ޓީމަކީ ދިއްދޫ ޓީމެވެ.
Advertisement
This content is created and paid for by advertisers and does not involve Voice Journalists
