އިދިކޮލު އެމްޑީޕީގެ ޗެއަރާޕަސަން އިންތިހާބުގެ ވޯޓުލުން ފަށައިފިއެވެ.
އިންތިހާބުގެ ވޯޓުލުން ފަށާފައިވަނީ މެންދުރުފަހު 2:30 ގައެވެ. އެމްޑީޕީން ކުރިން ތާވަލުކޮށްފައި އޮތީ މިއަދުގެ މެންދުރުފަހު 2:30 އިން ރޭގަނޑު 8:00 ގެ ނިޔަލަށް ވޯޓުލުން ކުރިއަށް ގެންދާށެވެ.
ނަމަވެސް، އެ ޕާޓީއިން މިހާރު ވަނީ އިންތިހާބުގެ ވޯޓުލުމުގެ ވަގުތު ރޭގަނޑު 8:30ގެ ނިޔަލަށް އިތުރުކޮށްފައެވެ.
މި އިންތިޚާބުގައި ވާދަކުރައްވަނީ ކުރީގެ ރައީސް މުހައްމަދު ނަޝީދުގެ އިތުރުން ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް އަހްމަދު ނަސީމެވެ.
ދެ ކެންޑިޑޭޓުންވެސް ފޯރުގަދަ ކެންޕެއިނެއް ކުރިއަށް ގެންގޮސްފައިވާއިރު، މަޖިލިސް ގިނަ މެންބަރުންނާއި ރައީސް ޞާލިޙްގެ ތާއީދު އޮތީ މީކާއިލް އަށެވެ. ނަމަވެސް ރައީސް ނަޝީދު ވަނީ މި އިންތިޚާބު ފަސޭހަ ކަމާއެކު އެމަނިކުފާނަށް ކާމިޔާބު ކުރެވޭނެކަމަށް ވިދާޅުވެފައެވެ.
އިންތިހާބުގައި ވޯޓުލުމުގެ ފުރުސަތު ލިބިގެންވަނީ މިއަހަރުގެ އެޕްރީލް މަހުގެ 22 ވަނަ ދުވަހުގެ ނިޔަލަށް އެމްޑީޕީގެ ދަފްތަރުގައި މެންބަރުންގެ ގޮތުގައި ރަޖިސްޓްރީވެފައިވާ ފަރާތްތަކަށެވެ.
އެގޮތުން ވޯޓުލުމުގެ ހައްޤު 48،912 މީހުންނަށް ލިބިފައިވާއިރު، 241 ވޯޓު ފޮށި ވަނީ ބަހައްޓާފައެވެ.
Advertisement
This content is created and paid for by advertisers and does not involve Voice Journalists
