އިސްލާމީ ޔުނިވާސިޓީން ކުރި ދިރާސާއަކުން ގްރޭޑް 9، 10 ގެ ދަރިވަރުން ނިދަނީ މެންދަމު ކަމަށް ދައްކައިފި އެެވެ.
މި ދިރާސާގެ މައްޗަށް ބިނާކޮށް އިސްލާމީ ޔުނިވާސިޓީގެ އެސިސްޓެންޓް ޕްރޮފްސަރު އަދި އެ ޔުނިވާސިޓީގެ ސެންޓާ ފޯ ރިސާޗް އެންޑް ޕަބްލިކޭޝަންސްގެ ޑީން ޑރ. އާމިނަތު ޝާފިޔާ ވަނީ ކަންބޮޑުވުން ފާޅުކުރައްވާ ވާހަކަ ދައްކަވާފަ އެވެ.
ދ. އެޓޯލް އެޑިޔުކޭޝަން ސެންޓަރުގައި ބޭއްވި އެ މަދަރުސާގެ އިނާމް ދިނުމުގެ ރަސްމިއްޔާތުގައި ޑރ. ޝާފިޔާ ވިދާޅުވި ގޮތުގައި ބައެއް ދަރިވަރުގެ ސުކޫލު ހާޒިރީ ދަށްވަމުންދާ މައްސަލާގައި އިސްލާމިކް ޔުނިވާސިޓީން ވަނީ ދިރާސާއެއް ހަދާފަ އެވެ.
އެ ދިރާސާ މާލޭގެ ބައެއް ސްކޫލުތަކާއި މާލެ އަތޮޅުގެ ބައެއް ސްކޫލްތަކާއި އއ. އަތޮޅާއި ހދ. އަތޮޅުގެ ބައެއް ސްކޫލުތަކުގައި ވަނީ ހިންގާފަ އެވެ. އެ ދިރާސާއިން ފެނުނީ ހިތާމަވެރި މަންޒަރެއް ކަމުގައި ވިދާޅުވި އެވެ.
ދިރާސާއަށް މައިގަނޑު ގޮތެއްގައި މައުލޫމާތު އެއްކުރީ ގްރޭޑް 9، 10 ގެ ދަރިވަރުންގެ ފަރާތުން ކަމަށާ އެ ނަތީޖާ އިން އެ ދަރިވަރުން އާންމުކޮށް ނިދަނީ މެންދަމު ކަމަށް އެނގިފައިވާ ކަމަށް ޝާފިޔާ ވިދާޅުވި އެވެ.
"މި ދައްކަނީ ބޮޑެތި މީހުންގެ ވާހަކައެއް ނޫން. މި ކުދީން ނިދާ ގަޑިއަކީ 1:30 އާއި 2:30 ނުވަތަ 3:30 އާއި 4:00އާ ދެމެދު,"
ޑރ ޝާފިއާ ވިދާޅުވީ މިއީ ހިތާމަވެރި ކަމެއް ކަމަށެވެ. އަދި ނަބިއްޔާގެ އިރުޝާދުތައް ހަނދާންކޮށް ދެއްވާ ހުސްވަގުތާއި ސިއްހަތަށް ސަމާލުކަން ދޭ ބަޔަކަށް ދަރިވަރުންނަށް އިލްތިމާސް ކުރެއްވި އެވެ.
Advertisement
This content is created and paid for by advertisers and does not involve Voice Journalists
