ފީފާ ވަރލްޑްކަޕްގައި އެންމެ ގިނަ ލަނޑު ޖެހި ކުޅުންތެރިޔާގެ މަގާމް އާޖެންޓީނާގެ ޤައުމީޓީމްގެ ކެޕްޓަން ލިއޮނެލް މެސީ ހޯދައިފިއެވެ.

ވަރލްޑްކަޕްގެ އެންމެ ގިނަ ލަނޑު ޖެހި ކުޅުންތެރިޔާގެ ރެކޯޑް މެސީ ހޯދާފައިވަނީ މިހާރު ކުރިއަށްދާ ވަރލްޑްކަޕް ގްރޫޕް ސްޓޭޖް މެޗްގައި މިރޭ އޮސްޓްރިއާ އާއި އާޖެންޓީނާ ބައްދަލުކުރިމެޗްގައި ލަނޑު ޖަހައިގެންނެވެ. މިމެޗްގެ ކުރިން ވަރލްޑްކަޕްގައި އެންމެ ގިނަ ލަނޑު ޖެހުމުގެ ރެކޯޑް އޮތީ، ޖަރުމަނުވިލާތުގެ ކްލޯސާގެ އަތުގައެވެ.

ވަރލްޑްކަޕްގައި މިހާތަނަށް އެންމެގިނަ ލަނޑު ޖެހުމުގެ ޝަރަފް މެސީ ހޯދާފައިވަނީ، 18 ގޯލް ޖަހައިގެންނެވެ. ވަރލްޑްކަޕްގައި ކްލޯސާ ޖެހި ގޯލުގެ އަދަދަކީ 16 އެވެ. 

ވަރލްޑްކަޕް ގްރޫޕް ސްޓޭޖްގައި އާޖެންޓީނާއަށް ބާކީ އެއްމެޗް އޮތުމާއި އަދި ނޮކްއައުޓްބުރުން އެޓީމް ޖާގަ ހޯދާނެކަން ގާތްގަނޑަކަށް ކަށަވަރުވެފައިވާއިރު، ކުރިއަށް އޮތް ތަނުގައި މެސީގެ ފަރާތުން އިތުރު ލަނޑުތަކެއް ފެނިގެންދިއުމުގެ އުއްމީދު ބޮޑުކަމަށް ކުޅިވަރު ދިރާސާކުރާ ފަރާތްތަކުން ފާހަގަކުރެއެވެ.