މިރޭ ހުޅުމާލެއަށް ޖެހުނު ބާރު ވައިގަނޑުގައި ވިނަރެސް އެޕާޓްމަންޓެއްގެ ކުޑަދޮރުފަތެއް މަގުމައްޗަށް ވެއްޓިއްޖެއެވެ.
މި ހާދިސާ ހިނގާފައިވަނީ މިރޭގެ 01:00 ހާއިރުއެވެ. ދޮރުފަތް ވެއްޓިފައިވަނީ ވިނަރެސް ޓަވަރު 3 އޭގެ އެޕާޓްމަންޓަކުންނެވެ. ވޮއިސްއާ މައުލޫމާތު ހިއްސާކުރަމުން އެވަގުތު އެތަނުގައި ހުރި މީހަކު ބުނީ ދޮރުފަތް ފެއްޓުނުވަގުތު ވަރަށް ބާރު އަޑުފަށްގަނޑެއް އިވުނުކަމަށެވެ.
މި ހާދިސާގައި ވެއްޓުނު ދޮރުފަތުގެ ބިއްލޫރިގަނޑު ތަޅައިގެންގޮސް މުޅިތަނަށް ބިއްލޫރިތައް ވަނީ ފެތުރިފައެވެ. އެވަގުތަކީ ވިއްސާރަވެހޭ ވަގުތެއްކަމުން އެ ވަގުތު އެ ސަރަހައްދުގައި އެއްވެސް މީހަކު ނެތްކަމަށްވެސް އޭނާ ބުންޏެވެ.
މި ހާދިސާގައި ވެއްޓުނު ދޮރުފަތުގެ ބިއްލޫރިގަނޑު ތަޅައިގެންގޮސް މުޅިތަނަށް ބިއްލޫރިތައް ވަނީ ފެތުރިފައެވެ. އެވަގުތަކީ ވިއްސާރަވެހޭ ވަގުތެއްކަމުން އެ ވަގުތު އެ ސަރަހައްދުގައި އެއްވެސް މީހަކު ނެތްކަމަށްވެސް އޭނާ ބުންޏެވެ.
" އާއްމުކޮށް މި ސަރަހައްދަނީ މިގަޑީގައިވެސް ވަރަށް މީހުން ހިނގާބިނގާވެ އުޅޭ ސަރަހައްދެއް. ނަސީބަކުން ވާރޭވެހޭތީ ދޮރުފަތް ވެއްޓުނު ސަރަހައްދުގައި އެއްވެސް މީހަކުނެތް. މީހެއްގެ ގައިގައި ޖެހުނުނަމަ މިއީ ހަމަ މަރުގެ އެތިފަހަރެއް" ހާދިސާގެ ނުރައްކާތެރިކަން ސިފަކޮށްދެމުން އޭނާ ބުންޏެވެ.
މިރޭ މޫސުން ގޯސްވެ ވައިގަދަވުމުގެ ސަބަބުން މާލެ ސަރަހައްދުގައި އެކި ހާދިސާތައް ވަނީ ހިނގާފައެވެ. އެގޮތުން މާލޭ ވިޔަފާރި ބަނދަރުގެ ބޭރު ޖެޓީގައި އަޅާފައި އޮތް މޯލްޑިވްސް ޕޯޓްސް ލިމިޓެޑްގެ ބާޖަކުން ކޮންޓޭނަރުތަކެއް ކަނޑަށް ވެއްޓުމުގެ ހާދިސާއެއްވެސް ވަނީ ހިނގާފައެވެ.
Advertisement
This content is created and paid for by advertisers and does not involve Voice Journalists
