ސްވިދަން ބަލިކުރުަށްފަހު ވަރލްޑްކަޕް ގަދަ 16 އަށް ފްރާންސް ދަތުރުކޮށްފިއެވެ.
ނޮކްއައުޓް ސްޓޭޖްގައި ފްރާންސް އާއި ސްވިޑަން ބައްދަލުކުރި މިމެޗް ފްރާންސުން ކާމިޔާބުކުރީ 3-0 ގެ ނަތީޖާއިންނެވެ. މިމެޗްގައި ފްރާންސްގެ ތަރިއަކަށްވީ ކިލިއަން އެމްބާޕޭ އެވެ. އޭނާ ވަނީ މިމެޗްގައި މޮޅު ކުޅުމެއް ދައްކައި ފްރާންސަށް ދެ ގޯލް ކާމިޔާބުކޮށްދީފައެވެ.
މެޗްގައި ފްރާންސުން ވަނީ ފުރަތަމަ ހާފްގައި އެއްލަނޑު އަދި ފަހު ހާފްގައި ދެ ލަނޑު ޖެހާފައެވެ. ފްރާންސްގެ ފުރަތަމަ ލަނޑު އެމްބާޕޭ ޖަހާފައިވަނީ، ފުރަތަމަ ހާފްގެ 45 ވަނަ މިނެޓް ތެރޭގައި. ފްރާންސްގެ ދެވަނަ ލަނޑު ޖަހައިދިނީ ބާކޯލާއެވެ. ތިންވަނަ ލަނޑު އެމްބާޕޭ ޖަހާފައިވަނީ، 74 ވަނަ މިނެޓް ތެރޭގައެވެ. މެޗްގައި އެމްބާޕޭގެ އިތުރުން އޮލިސޭގެ ކުޅުންވެސް ފާހަގަވެގެން ދިޔައެވެ. އޭނާ ވަނީ މިމެޗްގައި ދެ ލަނޑު ޖެހުމަށް ފުރުސަތު ފަހިކޮށްދީފައެވެ.
މުބާރާތުގެ މިހާހިސާބަށް އާއިރު އެންމެ ވަރުގަދަކޮށް ފެނުނު އެއް ޓީމަކީ ފްރާންސެވެ. އެޓީމްވަނީ ގްރޫޕް ސްޓޭޖްގައި ކުޅުނު މެޗްތަކުގައިވެސް މޮޅުކުޅުމެއް ދައްކާފައެވެ. މެޗްގައި ފްރާންސަށް އިރުޝާދު ދީފައިވަނީ ކޯޗް ދިދިއޭ ޑެޝޯމްޕް އެވެ. މިމެޗްގެ ކުރީ މެޗްގައި ބެންޗުން ޑެޝޯމްޕް ފެނިފައި ނުވަނީ އޭނާގެ މަންމަގެ ޒަނާޒާގެ ކަންކަމުގައި ބައިވެރިވުމަށް ފްރާންސަށް ދިއުމުންނެވެ.
މުބާރާތުގެ ކުރިއަށް އޮތް ބުރުގައި ފްރާންސް ނިކުންނާނީ ޕަރަގުއޭ އާ ދެކޮޅަށެވެ
Advertisement
This content is created and paid for by advertisers and does not involve Voice Journalists
