މަންފާ އެކަޑަމީއާއެކު ދިވެހި ކުޅިވަރުގެ ދާއިރާއަށް ބޭނުންވާ ވަރަށް މުހިންމު ކަންކަމަށް ހައްލު ލިބިގެންދާނެ ކަމަށް ޔަގީންކުރާ ކަމަށް މަޝްހޫރު ފުޓްބޯޅަ ކޯޗް އަދި ލެޖެންޑް އަލީ ސުޒައިން (ސުޒޭން ކޯޗް) ވިދާޅުވެއްޖެ އެވެ.
ދިވެހި ގައުމީ ފުޓްބޯޅަ ޓީމުގެ ކޯޗް ކަމާއި ފަސްޓް ޑިވިޝަންގެ ވަރަށް ގިނަ ކުލަބުގެ އެއް ނަންބަރު ކޯޗްކަން ކޮށްފައިވާ އަލީ ސުޒައިން މިހެން ވިދާޅުވީ މަންފާ އެކަޑަމީ އިފްތިތާހު ކުރުމަށް ރޭ ބޭއްވި ރަސްމިއްޔާތު ޝަރަފުވެރިކޮށްދެއްވާ ވާހަކަ ދައްކަވަމުންނެވެ.
މަންފާ އެކަޑަމީ އިފްތިތާހު ކުރުން --
މަންފާ އެކަޑަމީ އިފްތިތާހުކޮށްދެއްވުމަށް ފަހު ވާހަކަ ދައްކަވަމުން ސުޒެއިން ވިދާޅުވީ ކުޅިވަރުގެ ކެރިއަރުގައި ހޭދަވި 40 އަހަރުގެ ތެރޭގައި ރެ އަކީ އެންމެ އުފާވި ރޭ ކަމަށެވެ.
"ކުޅިވަރުގެ ދާއިރާގައި ހޭދަވި ސާޅީސް އަހަރުތެރޭ އެންމެ އުފާވި ފިޔަވަޅު މަތީގައި އަޅުގަނޑު މި ހުރީ," ސުޒެއިން ވިދާޅުވި އެވެ.
މަންފާ އެކަޑަމީ އިފްތިތާހު ކުރުން --
ސުޒެއިން ވިދާޅުވީ ކުޅިވަރު ކަމެއްގައި މިހާ އުފާވި ރެއެއް ނާންނަ ކަމަށެވެ. އެއީ ސަބަބުތަކެއް ހުރެގެން ކަމުގައި ވިދާޅުވި އެވެ. ސުޒައިން ވިދާޅުވީ ދިވެހީންނަކީ ސައްތައިން ސައްތަ މުސްލިމުން ކަމުގައިވީއިރު ދިވެހި ކުޅިވަރުގެ ދާއިރާއަށް ބޭނުންވާ ވަރަށް މުހިންމު ކަންކަން އެބަހުރި ކަމަށެވެ.
މަންފާ އެކަޑަމީ އިފްތިތާހު ކުރުން --
ޚާއްސަކޮށް ކުޅިވަރު ކުޅުންތެރީންނަށް ދީނީ ކަންކަން ބުނެދޭނެ ބަޔަކު ތިބުމުގެ މުހިންމުކަން ފާހަގަ ކުރެއްވި އެވެ. އަދި ކޮންމެ ކުޅިވަރު އެކަޑަމީއަކުން ވެސް ހިފަހައްޓަން ޖެހޭ ދީނީ މިންގަނޑުތަކެއް ހުންނަން ޖެހޭ ކަމުގައި ވިދާޅުވި އެވެ. ސުޒެއިން ވިދާޅުވީ މަންފާ އެކަޑަމީއާ އެކު ދިވެހި ކުޅިވަރަށް މިދިޔަ ދިގު މުއްދަތުގައި މަދުވެފައިވާ ކަންކަމުގެ ހައްލު ލިބިގެންދާނެ ކަމަށް ޔަގީން ކުރާ ކަމަށެވެ.
ސާޖިދު ކޯޗާއި ނިސްތާރު ކޯޗަށް ތައުރީފު
ދިވެހި ފުޓްބޯޅައިގެ އެންމެ ޚިދުމަތްތެރި ކޯޗް, ސުޒެއިންގެ ވާހަކަގައި މަންފާ އެކަޑަމީގެ ނާއިބު ރައީސް އަލީ ނިސްތާރަށް ވަރަށް ބޮޑަށް ތައުރީފު ކުރައްވާފައިވެ އެވެ. މަންފާ އެކަޑަމީގެ އިސް މަގާމެއްގައި ކޯޗް ނިސްތާރު ހުންނެވުމަކީ ދިވެހި ފުޓްބޯޅައަށް އެ އެކަޑަމީގެ ފަރާތުން ހެޔޮ ބަދަލެއް އަންނާނެ ކަމެއްގެ ގޮތުގައި ސުޒެއިން ވަނީ ފާހަގަ ކުރައްވާފަ އެވެ.
މަންފާ އެކަޑަމީ އިފްތިތާހު ކުރުން --
ގްރީން ސްޓްރީޓްގެ ކޯޗްކަން ކުރެއްވި ނިސްތާރު ކޯޗުގެ އިތުރުން ވޮލީގެ ލެޖެންޑް އަދި މަންފާ އެކަޑަމީގެ ރައީސް މުހައްމަދު ސާޖިދު (ސާޖިދު ކޯޗް) އަށްވެސް ސުޒެއިން ވަނީ ތަޢުރީފު ކުރައްވާފަ އެވެ. އަދި މަންފާ އެކަޑަމީގެ ޗެއާމަން އަލީ ރަމީޒުގެ އެ އިސްނެންގެވުމަށް ވެސް ތައުރީފު ކުރެއްވި އެވެ.
Advertisement
This content is created and paid for by advertisers and does not involve Voice Journalists
