އޮސްޓްރިއާ ބަލިކޮށް މިސްރު ވަރލްޑްކަޕް ގަދަ 16 އަށް ދަތުރުކޮށްފިއެވެ.

ޑަލަސްގައި ކުޅުނު މިމެޗް އޮސްތްރިއާގެ މައްޗަށް މިސްރުކުރި ހޯދީ ޕެނަލްޓީ ޖަހައިގެންނެވެ. ޕެނަލްޓިއަށް ގޮސްގެން މެޗްގެ ނަތީޖާ ނެރުނީ، މެޗްގެ 90 މިނެޓާއި އިތުރުވަގުތުގެ ކުޅުމުގައި ނަތީޖާ ނުނެރެވުމުންނެވެ. މިމެޗްގެ 90 މިނެޓްގެ ކުޅުން ނިމުނީ 1-1 ގެ ނަތީޖާއިންނެވެ.

މެޗުގެ ކުރީކޮޅު އޮސްޓްރޭލިއާގެ ކްރިސްޓިއަން ވޮލްޕާޓޯ ފޮނުވާލި ހަމަލާއެއް ގޯލުގެ ދަނޑީގައި ޖެހުނު ނަމަވެސް، ފުރަތަމަ ހާފުގައި މޮޅަށް ކުޅުނީ މިޞްރުންނެވެ. އެގޮތުން އިމާމް އަޝޫރު ބޮލުން ޖެހި ލަނޑާއެކު މިޞްރުން ފުރަތަމަ ހާފުގައި ލީޑު ނެގިއެވެ. އަދި ދެވަނަ ހާފު ފެށުނުތަނާހެން އޮމަރު މާމޫޝްއަށް ލީޑު ފުޅާކޮށްދޭން ރަނގަޅު ފުރުޞަތެއް ލިބުނު ނަމަވެސް ބޭނުމެއް ނުކުރެވުނެވެ.

މިޞްރުން އަތުން މެޗުގެ ކޮންޓްރޯލް ގެއްލުނީ އެޓީމުގެ މުޙައްމަދު ހާނީ އަތުން ބައިކޮޅަށް ވަން ލަނޑުން އޮސްޓްރޭލިއާ ނަތީޖާ ހަމަހަމަކުރުމުންނެވެ. މެޗުގެ 94 ވަނަ މިނެޓުގައި ރާމީ ރާބިއާ ފޮނުވާލި ނުރައްކާތެރި ހަމަލާ އޮސްޓްރޭލިއާގެ ކީޕަރު ޕެޓްރިކް ބީޗް ހުޝިޔާރުކަމާއެކު ދިފާޢު ނުކުރިނަމަ، އިތުރު ވަގުތަށް ނުގޮސް މިޞްރަށް މެޗު ކާމިޔާބު ކުރެވުނީހެވެ.

ނަތީޖާ ނެރުމަށް ޖެހި ޕެނަލްޓީގައި އޮސްޓްރޭލިއާގެ ހެރީ ސޫޓާ އާއި ލޫކަސް ހެރިންގްޓަން ފޮނުވާލި ޕެނަލްޓީތައް ނާކާމިޔާބުވިއިރު، މިޞްރުން ވަނީ ޖެހި ހަތަރު ޕެނަލްޓީވެސް ކާމިޔާބުކޮށްފައެވެ.