ވަރލްޑްކަޕް ކުއާޓާ ފައިނަލުން ޖާގަ ހޯދި ފުރަތަމަ ޓީމަކަށް މޮރޯކޯ ވެއްޖެއެވެ.
މުބާރާތުގެ ކުއާޓާ ފައިނަލަށް މޮރޯކޯ ދަތުރުކުރީ، ނޮކްއައުޓް ބުރުގައި މުބާރާތް ބާއްވާ އެއްޤައުމު، ކެނެޑާ އާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. ހިއުސްޓަނުގައި ކުޅުނު މިމެޗް ކެނެޑާގެ މައްޗަށް މޮރޯކޯ ކާމިޔާބުކުރީ 3-0 ގެ ނަތީޖާއިންނެވެ.
މެޗުގެ ކުރީކޮޅު، ކެނެޑާއިން ވަނީ ރަނގަޅަށްކުޅެ މޮރޮކޯގެ ގޯލަށް ބާރުބޮޑުކޮށްފައެވެ. އެގޮތުން މޮރޯކޯގެ ކީޕަރު މި ހާފްގެ ތެރޭގައި ފެނުނީ ހަމަލާތައް ދިފާއުކުރުމާގެންނެވެ. މެޗުގެ 22 ވަނަ މިނެޓުގައި އަނިޔާގެ ސަބަބުން މޮރޮކޯގެ ތަރި އިސްމާއީލް ސައިބާރީ ބަދަލުކުރަން ޖެހުމަކީ އެޓީމަށް ނުތަނަވަސްކަމާ ކުރިމަތިލާން ޖެހުނެވެ.
މޮރޯކޯއިން ފުރަތަމަ ލަނޑު ޖެހީ ދެވަނަ ހާފުގެ ކުރީކޮޅު އަޝްރަފް ހަކީމީ ތަނަވަސްކޮށްދިން ފުރުސަތަކުން އޫނާހީ އެވެ. ދެވަނަ ލަނޑަ ކާމިޔާބުކޮށްފައިވަނީ، ބްރަހީމް ދިއާޒް ތަނަވަސްކޮށްދިން ފުރުސަތެއްގައި ޖިރޯނާގެ ފޯވާޑް އޫނާހީ އެވެ. ތިންވަނަ ލަނޑު ޖަހާފައިވަނީ، މެޗްގެ އިތުރު ވަގުތުގެ ކުޅުމުގެ ތެރޭގައި ރަހީމީ އެވެ.
ދެ ޓީމުންގޯލަށް އަމާޒުކުރި ހަމަލާތަކަށްވުރެ މިމެޗްގައި ގިނައިން ފެނިގެންދިޔައީ ރީނދޫކާޑު ތަކެވެ. މިމެޗްގައި ޖުމްލަ 8 ރީނދޫކާޑު ވަނީ ފެނިގެންގޮސްފައެވެ.
Advertisement
This content is created and paid for by advertisers and does not involve Voice Journalists
