ހުޅުމާލޭ ދެވަނަ ފިޔަވަހީގެ ހުރިހާ ހިޔާ ޓަވަރުތަކުގައި އަލަށް ހަރުކުރަން ހަމަޖެހިފައިވާ ހުރިހާ ލިފްޓްތަކެއް ބޭނުން ކުރަން ފަށައިފި އެވެ.
ހައުސިން ޑިވަލޮޕްމެންޓް ކޯޕަރޭޝަން، އެޗްޑީސީން މިރޭ ވަނީ ހުރިހާ ހިޔާ ޓަވަރުތަކުގައި އިތުރު ދެ ލިފްޓް ބަހައްޓާ ބޭނުން ކުރަން ފެށުން ފާހަގަކުރުމަށް މިރޭ ރަސްމިއްޔާތެއް ބާއްވާފަ އެވެ.
ހިޔާގެ ކޮންމެ ޓަވަރެއްގައި 400އެއްހާ އެޕާޓުމަންޓު ހިމެނެއެވެ. ކޮންމެ ޓަވަރެއްގެ އާބާދީ 2000އާއި ގާތްކުރާއިރު މިހާރު ފްލެޓެއްގައި ހުންނާނީ 3 ނުވަތަ 4 ލިފްޓެވެ. އެހެންކަމުން، ބާރު ބޮޑު ވަގުތުތަކުގައި އިމާރާތަށް އަރައި ފޭބުމުގައި ގިނަ ދަތިތަކާއި ކުރިމަތިލާން ޖެހެ އެވެ.
މިރޭ އޮތް ރަސްމިއްޔާތު
އެ މައްސަލަ ހައްލު ކުރުމަށް، ކޮންމެ ހިޔާ ޓަވަރެއްގައި ދެ ލިފްޓް ހަރުކުރުމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވަނީ އިންތިޚާބުގެ ކެންޕެއިން ތެރެއިން ވައުދުވެވަޑައިގެންފަ އެވެ.
އަދި ވެރިކަމަށް ވަޑައިގެން އެ މަސައްކަތް ޗައިނާގެ ޝެންޔަންގް ޔުއާން އިންޓެލެކްޗުއަލް ގްރޫޕާއި ހަވާލުކޮށްގެން ފެށި އެވެ.
ހިޔާ ޓަވަރުތަކުގައި އިތުރަށް ހަރުކުރި 32 ލިފްޓަށް 18 މިލިއަން ޑޮލަރު (278 މިލިއަން ރުފިޔާ) އަށްވުރެ ގިނައިން ޚަރަދުވި ކަމަށް އެޗްޑީސީން ބުނެ އެވެ.
Advertisement
This content is created and paid for by advertisers and does not involve Voice Journalists
