އެކި ސަރަހައްދުތަކުން ހޮވައިގެން ފުލުހުންގެ ބެލުމުގެ ދަށަށް ގެނެސްފައިވާ ތަކެތީގެ ވެރިފަރާތް ހޯދުމުގެ މަސައްކަތް ފުލުހުން ފަށައިފިއެވެ.

މާފަންނު ޕޮލިސް ސްޓޭޝަންގެ ބެލުމުގެ ދަށުގައި ހުރީ ޖޫން 30 ވަނަ ދުވަހު ގްރީން ބިލްޑިންގ ކައިރިން ހޮވައިގެން ގެނެސްފައިވާ ދެ ކަރުދާސް ރީމެވެ. މި ތަކެތީގެ ވެރިފަރާތުން 9660183 އަށް ގުޅައި އިންސިޑެންޓް ނަންބަރު 692418 ހިއްސާކުރުމަށް ފުލުހުން އެދެއެވެ.

ގަލޮޅު ޕޮލިސް ސްޓޭޝަންގެ ބެލުމުގެ ދަށުގައި ތިން ބާވަތެއްގެ ތަކެތި އެބަ ހުއްޓެވެ. އެއީ ޖޫން 30 ވަނަ ދުވަހު ބޮޑުތަކުރުފާނުމަގުން އެމްއެންޑީއެފް ގަރާޖު ކައިރިން ހޮވި ޓޫލްސްތަކަކާއި ހަމަ އެ ދުވަހު ކޯރުކެނޑިމަގުން ހޮވި 15 ޑޮލަރާއި ޖުލައި 7 ވަނަ ދުވަހު ހިލާލީމަގުން ހޮވި މޯޓަރެކެވެ. މި ތަކެތީގެ ވެރިފަރާތުން 9631696 އަށް ގުޅުމަށް ފުލުހުން އެދެއެވެ.

ހެންވޭރު ޕޮލިސް ސްޓޭޝަންގެ ބެލުމުގެ ދަށުގައި ހުރީ ޖުލައި 1 ވަނަ ދުވަހު ބީއެމްއެލް ހެޑް އޮފީސް ކައިރިން ހޮވި 190 ރުފިޔާއެވެ. ވިލިމާލެ ޕޮލިސް ސްޓޭޝަންގެ ބެލުމުގެ ދަށުގައި ހުރީ ޖުލައި 2 ވަނަ ދުވަހު ވ. ހަވާސް ގޭތެރޭގައި ބަހައްޓާފައި ހުރި ވެރިއަކު ނެތް މިދިލިއޮށް ފޮށިގަނޑެކެވެ. އަދި އެއާޕޯޓް ޕޮލިސް ސްޓޭޝަންގެ ބެލުމުގެ ދަށުގައި ހުރީ ޖުލައި 2 ވަނަ ދުވަހު ވެލާނާ އިންޓަނޭޝަނަލް ޓާމިނަލް 2 ކައިރިއަށް ދަތުރުކުރި ޓެކްސީއަކުން ހޮވި ތަޅުދަނޑިފައްޗެކެވެ.

މި ތަކެތީގެ ވެރިފަރާތުން ކާކުކަން އެނގޭނެ ލިޔުމަކާ އެކު ކަމާ ބެހޭ ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވުމަށް ފުލުހުން އެދެއެވެ.