ލޯކަލް ގަވަމަންޓް އޮތޯރިޓީގެ ބޮޑު މެމްބަރުކަމަށް ކުރިމަތިލުމުގެ ފުރުސަތު އާއްމުކޮށް ހުޅުވާލައިފިއެވެ.
ރައީސުލްޖުމްހޫރިއްޔާގެ އޮފީހުން އާއްމުކުރި އިއުލާނެއްގައި ބުނީ، އެލްޖީއޭ ބޮޑުގެ ތިން މެމްބަރެއްގެ ދައުރު ހަމަވާތީވެ، އެކަމަށް ކުރިމަތިލުމުގެ ފުރުސަތު މިހާރު ހުޅުވާލާފައިވާކަމަށެވެ. އެލްޖީއޭ ބޮޑު މެމްބަރުކަމަށް ކުރިމަތިލުމަށް ހުޅުވާލާފައިވަނީ މިހިނގާ ޖުލައިމަހުގެ 29 ވަނަ ދުވަހުގެ މެންދުރު 12 ޖެހުމާ ހަމަޔަށެވެ.
ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގައި ބުނާގޮތުން ލޯކަލް ގަވަރމަންޓް އޮތޯރިޓީގެ ބޯޑުގެ މެންބަރުކަމަށް ޢައްޔަން ކުރެވެނީ:
- ޖެންޑަރ އިކުއަލިޓީގެ ދާއިރާއިން ތަޖުރިބާ ލިބިފައިވާ އަންހެން މެންބަރެއް
- ގަވަރނަންސް ނުވަތަ ޕަބްލިކް އެޑްމިނިސްޓްރޭޝަންގެ ދާއިރާއިން ތަޖުރިބާ ލިބިފައިވާ މެންބަރެއް
- މަދަނީ ޖަމިއްޔާގެ މެމްބަރެއް
އިއުލާނުގައި އެލްޖީއޭ ބޯޑު މެމްބަރަކަށް ކުރިމަތިލާ ފަރާތްތަކުގެ ކިބާގައި ހުންނަންޖެހޭ ޝަރުތުތައް ބުނެފައިވާއިރު، މައިގަނޑު ފަސް ޝަރުތެއް ފުރިހަމަވާން ޖެހެއެވެ.
އެލްޖީއޭ ބޯޑުގައި މިހާރު ތިއްބަވާ ތިން މެމްބަރުންނަކީ، ފާތިމަތު ޒީނާ އަލީ، މުހައްމަދު އާޒާދު، އަދި އަޒްހާ ޟަމީރެވެ. އެލްޖީއޭ ބޮޑުގެ ރައީސަކަށް ހުންނަވަނީ ފިނޭންސް މިނިސްޓަރު ހަސަން ޒަރީރެވެ. ނައިބުރައީސާއަކަށް ފާތިމަތި ނިއުމާ ހުންނަވާއިރު، ސީއީއޯއަކީ އަހުމަދު ނިމާލެވެ.
Advertisement
This content is created and paid for by advertisers and does not involve Voice Journalists
