ދިރާގު ފިންޓެކާއި ޝީޝާ ގުޅިގެން ދިރާގުޕޭ ބޭނުންކުރާ ފަރާތްތަކަށް ހޮންޑާ އެއަރ ބްލޭޑް 125 ސްޕެޝަލް އެޑިޝަން ސައިކަލެއް ގުރުއަތުން ހޯދުމުގެ ފުރުސަތު ހުޅުވައިލައިފިއެވެ.

މިހާރު ދިރާގުޕޭ ބޭނުންކުރާ ކަސްޓަމަރުންނާއި އަލަށް ރަޖިސްޓަރީ ކުރާ ކަސްޓަމަރުންނަށް ވެސް 31 ޑިސެމްބަރު 2026ގެ ނިޔަލަށް މި ޕްރޮމޯޝަނުގައި ބައިވެރިވެވޭނެ ކަމަށް ދިރާގު ފިންޓެކުން ބުނެފައިވެއެވެ.

ދިރާގުޕޭ މެދުވެރިކޮށް ފައިސާގެ މުޢާމަލާތްތައް ކުރާ ވަރަކަށް ގުރުއަތުން ހޮވުމުގެ ފުރުސަތު އިތުރުވެގެންދާނެއެވެ.

ނަސީބުވެރިޔާއަށް ސައިކަލުގެ ޚިދުމަތްތަކުން އުމުރު ދުވަހަށް 15 އިންސައްތައިގެ އަގުހެޔޮކަމެއް ޝީޝާ މެދުވެރިކޮށް ލިބޭނެ ކަމަށް ވެސް އެ ކުންފުނިން ބުނެފައިވެއެވެ.

ޑިޖިޓަލް ވޮލެޓެއްގެ ގޮތުގައި ދިރާގުޕޭ މެދުވެރިކޮށް ބިލް ދެއްކުމާއި ފައިސާ ފޮނުވުމާއި ބިލް ބައިކުރުން ފަދަ ގިނަ ޚިދުމަތްތަކެއް ކަސްޓަމަރުންނަށް ލިބެން ހުރެއެވެ.