ސްވިމް މޯލްޑިވްސް އިން އިންތިޒާމުކުރާ ރާއްޖޭގެ އެންމެ ބޮޑު އޯޕަން ވޯޓާ ފެތުމުގެ މުބާރާތް ކަމުގައިވާ ދިރާގު މާލޭ އޯޕަންގައި ބައިވެރިވާން ބޭނުންވާ ފަރާތްތަކަށް މިމަހުގެ 31 ނިޔަލަށް ރަޖިސްޓަރީ ކުރެވޭނެ ކަމަށް ދިރާގުން ބުނެފިއެވެ.
އޮގަސްޓް 21 އަދި 22 ގައި ރަސްފަންނުގައި ބާއްވާ މި މުބާރާތުގައި 1 ކިލޯމީޓަރު 500 މީޓަރު އަދި 250 މީޓަރުގެ ކެޓަގަރީތައް ހިމެނެއެވެ. މީގެ އިތުރުން މި އަހަރު އަލަށް 500 މީޓަރުގެ ޓީމް ރިލޭ ކެޓަގަރީއެއް ވެސް ވަނީ ތައާރަފްކޮށްފައެވެ.
ދިރާގުން ބުނީ މި މުބާރާތް ބޭއްވުމުގެ ބޭނުމަކީ ރާއްޖޭގައި އޯޕަން ވޯޓާ ފެތުން ކުރިއެރުވުމާއި ކަނޑުގެ މާޙައުލު ޙިމާޔަތް ކުރުމާ ގުޅޭ ގޮތުން ހޭލުންތެރިކަން އުފެއްދުންކަމަށެވެ.
ފާއިތުވި އަހަރުގެ މުބާރާތަށް ބަލާ އިރު ރާއްޖޭގެ އެކި ކަންކޮޅުތަކުން 350 ފެތުންތެރިން ބައިވެރިވެ އޭގެ ތެރެއިން 340 އަށް ވުރެ ގިނަ ފެތުންތެރިން ރޭސް ފުރިހަމަކޮށްފައިވެއެވެ. އެ ފެތުންތެރިންގެ ތެރޭގައި ފަސް އަހަރާއި 65 އަހަރާ ދެމެދުގެ ޢުމުރުގެ މީހުން ހިމެނެއެވެ.
Advertisement
This content is created and paid for by advertisers and does not involve Voice Journalists
