ހުޅުމާލޭގައި ހުންނަ އަޒީޒާ މިސްކިތަށް ގެއްލުންތަކެއް ދީފިއެވެ.
ވޮއިސްއަށް މައުލޫމާތު ލިބިފައިވާ ގޮތުގައި ހުޅުމާލެ ފޭސް އެކެއްގައި ހުންނަ މަސްޖިދު އަޒީޒާ މިސްކިތަށް ގެއްލުންދީފައިވަނީ ރޭ މެންދަމުގެ ވަގުތެއްގައެވެ. ވޮއިސްއަށް މައުލޫމާތު ހިއްސާކުރި ފަރާތުން ބުނީ މިސްކިތަށް ގެއްލުންދިންކަމަށް ބެލެވެނީ މެންދަމު 03:30 ހާއިރުކަމަށެވެ.
މިސްކިތަށް ދިން ބޮޑެތި ގެއްލުންތަކުގެ ތެރޭގައި ބައެއް ދޮރުފަތްތަކުގެ ބިއްލޫރިތައް ތަޅާލުން ހިމެނެއެވެ.
މިސްކިތުގެ ދޮރުފަތުގެ ބިއްލޫރިތައް ތަޅާލާފައި.. ފޮޓޯ: ވޮއިސްގެ ކިޔުންތެރިއެއް
މީގެ އިތުރުން މިސްކިތު އެތެރޭގައި ހުރި މުސްހަފްތައް އުކާލުމާއި އެތަކެއްޗަށް ގެއްލުންދިންކަމަށްވެސް މައުލޫމާތު ލިބެއެވެ.
މި ހާދިސާއާ ބެހޭގޮތުން ފުލުހުން އަދި ވަކި އެއްޗެކޭ ބުނެފައެއް ނުވެއެވެ. މިސްކިތްތަކަށް ދޭތެރެއަކުން ގެއްލުންދޭއިރު، މިސްކިތުގައި ހުންނަ ތަކެތި ވަގަށް ގެންދިއުމަކީވެސް ދޭތެރެއަކުން ހިނގަމުން އަންނަ ކަމެއްކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
