ބޭންކް އޮފް މޯލްޑިވްސް (ބީއެމްއެލް) ގެ މޮބައިލް އެޕާއި އިންޓަރނެޓް ބޭންކިންގެ ޒަރީޢާއިން ޚިދުމަތްތަކަށް އެދޭ ނިޒާމަށް ބޮޑެތި ބަދަލުތަކެއް ގެނެސް ޗެޓް އެސިސްޓެންޓް 'އާޔާ' ގެ ޤާބިލުކަން އިތުރުކުރަން ފަށައިފިއެވެ.
މި ބަދަލުގެ ދަށުން 'އާޔާ' މެދުވެރިކޮށް ކަސްޓަމަރުންގެ ސުވާލުތަކަށް ކުރިއަށްވުރެ އަވަހަށް ޖަވާބު ލިބި ބޭނުންވާ ބޭންކިން ޚިދުމަތަކަށް ހުށަހެޅުމުގެ މަރުހަލާ ހަލުވިވެގެންދާނެ ކަމަށް އެ ބޭންކުން ބުނެފައިވެއެވެ.
ހަމައެހެންމެ ބޭނުންވެއްޖެ ހާލަތެއްގައި 'އާޔާ' މެދުވެރިކޮށް ސީދާ ބީއެމްއެލްގެ މުވައްޒަފެއްގެ އެހީ ހޯދުމުގެ ފުރުސަތުވެސް ހުޅުވާލެވިފައިވެއެވެ.
މި އަޕްޑޭޓާ ގުޅިގެން ކުރީން އެޕާއި އިންޓަރނެޓް ބޭންކިންގައި ހިމެނުނު މެސެޖިން ފީޗާ މެދުވެރިކޮށް ޚިދުމަތްތަކަށް އެދި ހުށަހެޅުމުގެ އިންތިޒާމު މެދުކަނޑާލެވޭނެ ކަމަށް ބީއެމްއެލުން ބުނެފައިވެއެވެ.
ޑިޖިޓަލް ޕްލެޓްފޯމުތައް ތަރައްޤީކޮށް ކަސްޓަމަރުންނަށް ފަސޭހަ އަދި އިތުބާރު ހިފޭ ޚިދުމަތެއް ފޯރުކޮށްދިނުމަށް ބީއެމްއެލުން ގެންދަނީ މެދުނުކެނޑި މަސައްކަތްކުރަމުންނެވެ.
Advertisement
This content is created and paid for by advertisers and does not involve Voice Journalists
