ދިރާގު ގޭމާސް ގިލްޑް (ޑީޖީޖީ) އާއި ޒީރޯ ޕޮއިންޓް ގުޅިގެން ބާއްވާ "ޒީރޯ ޕޮއިންޓް ކްލޭޝް ސީރީޒް: ރޮކެޓް ލީގު" އީ-ސްޕޯޓްސް މުބާރާތުގައި ބައިވެރިވުމުގެ މުއްދަތު މިއަދުގެ ނިޔަލަށް ހަމަވާނެ ކަމަށް ދިރާގުން ބުނެފިއެވެ.
މި މުބާރާތް ކުރިއަށް ގެންދިއުމަށް ހަމަޖެހިފައި ވަނީ ޖުލައި 24 އާއި 25 ވަނަ ދުވަހު ހުޅުމާލޭގައި ހިންގާ ޒީރޯ ޕޮއިންޓް ގޭމިންގ ކެފޭގައެވެ. އެއްވެސް ފީއަކާ ނުލައި ކޮންމެ ފެންވަރެއްގެ ގޭމް ކުޅުންތެރިއަކަށް ވެސް ބައިވެރިވެވޭ ގޮތަށް ހުޅުވާލާފައިވާ މި މުބާރާތުގައި ރެޖިސްޓަރކުރެވޭނީ ޑީޖީޖީގެ ވެބްސައިޓް މެދުވެރިކޮށެވެ.
ލިންކު: https://bit.ly/dgg-zp-clash-rl
ވަނަވަނައަށް ދާ ކުޅުންތެރިންނަށް ޖުމްލަ 10000 ރުފިޔާގެ އިނާމު ފައިސާ ކަނޑައަޅާފައިވެއެވެ.
މުބާރާތުގެ ޕްރިމިއަމް ޕާޓްނަރަކީ މިނީސޯ ކަމަށާއި އެލީޓް ޕާޓްނަރަކީ ވިލާ މާޓް ކަމަށް ދިރާގުން ބުނެފައިވެއެވެ. ރޮކެޓް ލީގު މުބާރާތުގެ އިތުރުން އިވެންޓަށް ޒިޔާރަތްކުރާ ފަރާތްތަކަށް ރޭސިންގ ސިމިއުލޭޝަނާއި ވީއާރް ގޭމްސް އާއި އެފްސީ 26 އަދި ޓެކެން ފަދަ ގޭމުތައް ހިލޭ ކުޅެވޭނެ އިންތިޒާމު ހަމަޖައްސާފައިވެއެވެ.
މި ހަރަކާތްތައް ފަރުމާކޮށްފައި ވަނީ ކުޅުންތެރިންގެ އިތުރުން އެ މީހުންގެ ޢާއިލާ އާއި ރައްޓެހިންނަށާއި މެޗުތައް ބެލުމަށް ޝައުޤުވެރިވާ ފަރާތްތަކަށް ވެސް ބައިވެރިވެވޭ ގޮތަށެވެ.
ރާއްޖޭގެ އެންމެ ބޮޑު ގޭމިންގ ޕްލެޓްފޯމް ކަމުގައިވާ ޑީޖީޖީ މެދުވެރިކޮށް ދިރާގުން އަންނަނީ ރާއްޖޭގެ ގޭމް ކުޅުންތެރިންގެ ހުނަރު ތަރައްޤީކޮށް އީ-ސްޕޯޓްސް ފުޅާކޮށް ގޭމިންގ ކޮމިއުނިޓީ ކުރިއެރުވުމަށް މަސައްކަތްކުރަމުންނެވެ.
Advertisement
This content is created and paid for by advertisers and does not involve Voice Journalists
