ގިނަ އަހަރުތަކަކަށްފަހު ކަޕްވިނާސް ކަޕްގެ ފުރަތަމަ މެޗްގައި މިއަދު ހަވީރު ނިއުރޭޑިއަންޓް ބުރު ސްޕޯޓްސް އާ ދެކޮޅަށް ނިކުންނާނެއެވެ.

ގިނަ އަހަރުތަކަކަށްފަހު ކަޕްވިނާސް ކަޕްގެ ބައްވާއިރު، މި މުބާރާތް މި ބޭއްވިގެންދަނީ 18 އަހަރުގެ މެދުކެނޑުމަކަށްފަހުކަން ފާހަގަކޮށްލެވެއެވެ. މި މުބާރާތް އެންމެފަހުން ބައްވާފައިވަނީ، 2008 ވަނަ އަހަރެވެ. ޗެމްޕިއަން ޓީމްތަކަށް ދައުވަތު ދީގެން ކުޅެވޭ މި މުބާރާތުގައި ވާދަކުރާނީ، ނިއުރޭޑިއަންޓް ސްޕޯޓްސް ކްލަބާއި ބުރު ސްޕޯޓްސްގެ އިތުރުން، އޮޑި ސްޕޯޓްސް އާއި މާޒިޔާ ސްޕޯޓްސް ކްލަބެވެ.

މު ބާރާތް ކުރިއަށާްދާނީ ލީގް އުސޫލުން އެންމެ ގިނަ ޕޮއިންޓް ހޯދާ ދެޓީމް ފައިނަލުގައު ކުޅޭ ގޮތަށެވެ. ކަޕް ވިނާސްކަޕްގެ ފުރަތަމަ މެޗް މިއަދު ހަވީރު ކުޅުމަށް ތާވަލްކޮށްފައިވާއިރު، ދެވަނަ މެޗް އޮންނާނީ މިރޭ 21:00 ގައެވެ. މި މެޗްގައި ބައްދަލުކުރާނީ މާޒިޔާ އަދި އޮޑި އެވެ. ހަވީރު ނިއު އާއި މާޒިޔާ ބައްދަލުކުރާ މެޗް ފަށާނީ ހަވީރު 16:00 ގައެވެ.

ކަޕްވިނާސްކަޕް ތާވަލް

އައު ސީޒަން ފެށުމުގެ ގޮތުން މާޒިޔާ އަދި ނިއުރެޑިއަންޓް ވަނީ މި ސީޒަނުގެ ފުރަތަމަ މެޗް ކުޅެފައެވެ. ޕެނަލްޓީ ޖަހައިގެން ކޮމިޔުނިޓީ ޝީލްޑް ކާމިޔާބުކުރީ މާޒިއާ އެވެ. މިފަހަރުގެ ސީޒަނަށް އެންމެ ބޮޑަށް ތައްޔާރުވި އެއް ތީމަކީ ނިއުރޭޑިއަންޓެވެ. މި ސީޒަނަށް ޓީމް ވަރުގަދަކުރުމުގެ ގޮތުން ނިއުއިން ވަނީ ބްރެޒިލް އަދި ޗައިނާގެ ބައެއް ކްލަބްތަކަށް ކުޅެފައިވާ ތަޖްރިބާކާރު ފޯވާޑް ޑޮރިއެލްޓަން ގޯމެޒް އެޓީމަށް ގެނެސްފައެވެ.

ކަޕްވިނާސްކަޕް މިއަދު ފަށާއިރު، އެންމެ ފާހަގަކޮށްލެވޭ އެއްކަމަކީ މުބާރާތުގެ އެންމެ ކާމިޔާބު ޓީމްކަމަށްވާ ކްލަބް ވެލެންސިއާ އަދި މުބާރާތުން އާއްމުކޮށް ފެންނަ ވިކްޓްރީ ފަދަ ކްލަބްތައް ނުފެނުމެވެ.