ދިވެހިރާއްޖޭގެ ކުޅިވަރަށް ކޮށްދެއްވި ހިދުމަތް ފާހަގަކުރުމުގެ ގޮތުން އަލްމަރްހޫމް އިޙްސާން ޢަބްދުލްޣަނީގެ ހަނދާނަށް ޤައުމީ އިނާމް މިއަދު އަރުވައިފިއެވެ.
ޤައުމީ ދުވަހުގެ ރަސްމީ ޖަލްސާގައި ސާންތީ ކޯޗްގެ އާއިލާގެ ފަރާތުން ޤައުމީ އިނާމާ ހަވާލުވީ ކޯޗްގެ ކޮއްކޮ އަހުސަން އަބްދުލްގަނީއެވެ. ރާއްޖޭގައި އުފެދުނު އެންމެ މަޝްހޫރު އެއް ކޯޗް ސާސްތީ ނިޔާވީ ކެންސަރުބައްޔަށް ފަރުވާ ހޯދަމުން ގެންދަވަނިކޮށް މިދިޔަ އަހަރުގެ މާޗްމަހުގެ ތެރޭގައެވެ.
ޤައުމީ އިނާމް ލިބިލެއްވި ފަރާތްތައް. ކަނާއަތުން ތިން ވަނައަށް ސާންތީ ޯޗްގެ އާއިލާގެ ފަރާތުން އިނާމާ ހަވާލުވި ކޯޗްގެ ކޮއްކޮ އަހުސަން... ފޮޓޯ: ރައީސް އޮފީސް
ސާންތީއަކީ ފުޓްބޯޅައިގައި ކާމިޔާބު އަދި ކުޅުންތެރިން އުފެއްދުމުގައި ފާހަގަކޮށްލެވޭ ކޯޗެކެވެ. ފުރަތަމަ ފަހަރަށް ދިވެހި ޓީމު ރަން މެޑަލް ހާސިލުކުރީ ގައުމީ ފުޓްބޯޅަ ޓީމުގެ އެސިސްޓެންޓް ކޯޗްގެ މަގާމުގައި ސާންތި ހުރި ދުވަސްވަރު އެވެ. ސާންތީ ވަނީ އެކި ފަހަރުމަތިން ޤައުމީޓީމްގެ އިތުރުން އެފްއޭއެމްގައިވެސް މަސައްކަތްކޮށްފައެވެ. އެފްއޭއެމްގެ ޓެކްނިކަލް ޑައިރެކްޓަރުގެ މަގާމު ވެސް އަދާކޮށްފައިވާ ސާންތި ވަނީ ދާއިރާއިން މަތީ ތައުލީމުވެސް ހާސިލްކޮށްފައެވެ.
ސާންތި ވަނީ ޔުނައިޑެޓް ވިކްރީ އާއި އީގަލްސްއަށް ކޯޗްކަން ކޮށްދީފަ އެވެ. މީގެ އިތުރުން އޭނާ ވަނީ ވަރަށްގިނަ ޒުވާން ކުޅުންތެރިން ފުޓްބޯޅަ ދަނޑަށް ނެރުމަށް އަމަލީގޮތުންވެސް ގިނަ މަސައްކަތްތަކެއް ކުރައްވާފައެވެ.
.
Advertisement
This content is created and paid for by advertisers and does not involve Voice Journalists
