ގދ. ތިނަދޫ ގައި އަލުން މީހުން އާބާދުވިތާ 60 އަހަރު ފުރުމުގެ މުނާސަބާގައި ބާއްވާ ހާއްސަ ޖަލްސާގައި ބައިވެރިވެވަޑައިގަތުމަށް ކުރީގެ ދެ ރައީސުން ކަމަށްވާ އަބްދުﷲ ޔާމީން އާއި މުޙައްމަދު ނަޝީދު އެ ސިޓީއަށް ވަޑައިގެންފި އެވެ.
މިރޭ އެ ދެ ބޭފުޅުން އެ ސިޓީއަށް ވަޑައިގަތުމުން ރަށުގެ ގިނަ ބަޔަކު ޖަމާވެ ވަނީ ހޫނު މަރުހަބާއެއް ކިޔާފަ އެވެ. ޔާމީންއާ ނަޝީދު ވަނީ އެ ބޭފުޅުންނަށް މަރުހަބާ ކިޔަން ޖަމާވި ރައްޔިތުންނާއި ސަލާމް ކުރައްވާފަ އެވެ. އަދި ފޮޓޯ ނަންގަވާ ބައެއް އާންމުންގެ ވާހަކަތައް އަޑުއެއްސެވި އެވެ.
އެ ދެ ބޭފުޅުން ވަނީ އެ ސިޓީގެ ކައުންސިލުން ތަރައްގީ ކުރި ޖެޓީ ވެސް ހުޅުވައި ދެއްވާފަ އެވެ.
ޔާމީންއާ ނަޝީދު ތިނަދޫއަށް ވަޑައިގަތުން --
ތިނަދޫ ގައި އަލުން މީހުން އާބާދުވިތާ 60 އަހަރު ފުރުމުގެ މުނާސަބާގައި ބާއްވާ ހާއްސަ ޖަލްސާ އޮތީ މާދަމާ ރެ އެވެ.
މިރޭ އޮތް ހާއްސަ ޝޯ އެއް ދެ ރައީސުން ވަނީ ބައްލަވާލައްވާފަ އެވެ.
ޔާމީންއާ ނަޝީދު ތިނަދޫއަށް ވަޑައިގަތުން --
އާބާދީ 60 ނަމުގައި ބާއްވާ ޖަލްސާގައި ރައީސް ޔާމީނާއި ރައީސް ނަޝީދުވެސް ވާހަކަފުޅު ދައްކަވާނެ އެވެ.
ޔާމީންއާ ނަޝީދު ތިނަދޫއަށް ވަޑައިގަތުން --
ރައީސް ޔާމީންގެ ޕީއެންއެފުން ބުނީ ތިނަދޫ ސިޓީއަށް ފަހު ރައީސް ޔާމީން ފުވައްމުލަކު ސިޓީއަށް ވެސް ވަޑައިގަންނަވާނެ ކަމަށެވެ.
މިއީ ރައީސް ޔާމީނާއި ރައީސް ނަޝީދު މިފަދަ ގޮތަކަށް އެކުއެކީ ރަށަކަށް ވަޑައިގެންނެވި ފުރަތަމަ ފަހަރެވެ.
Advertisement
This content is created and paid for by advertisers and does not involve Voice Journalists
