"ބޯހިޔާވަހިކަން އެންމެންނަށް" ސިޔާސަތުގެ ދަށުން ހުޅުވާލި ފުރުސަތުގައި ހުށަހަޅާފައިވާ ފޯމްތައް އިވެލިއުއޭޝަން މަރުހަލާގެ ތެރޭގައި ސައްހަނޫން ފޯމްތައް އިސްލާހްކުރުމަށް ދިން މުއްދަތު 21 ދުވަހަށް އިތުރުކޮށްފިއެވެ.
ހައުސިން މިނިސްޓްރީން މިއަދު "އެކްސް" ގައި ކުރި ޕޯސްޓެއްގައި ބުނީ، މި ބަދަލު ގެނެސްފައިވަނީ ފޯމު ހުށަހެޅި ފަރާތްތަކަށް އިތުރު ލުއިފަސޭހަކަމެއް ހޯދައިދިނުމުގެ މަގުސަދުގައި ކަމަށެވެ. މީގެކުރިން ފޯމުތަކުގައިވާ މައްސަލަތައް އިސްލާހުކުރުމަށް ދީފައިވަނީ 7 ދުވަހުގެ މުއްދަތެކެވެ.
ހައުސިން މިނިސްޓްރީން ބުނި ގޮތުގައި، ފޯމުތަކުގެ ވެރިފިކޭޝަން މަރުހަލާ ކުރިއަށްދާއިރު އެއްވެސް މައުލޫމާތެއްގެ ފުށުއެރުމެއް ނުވަތަ ސައްހަނޫން ކަމެއް ފާހަގަކުރެވިއްޖެނަމަ، އެކަން އިސްލާހުކުރަން ޖެހޭނީ "ހިޔާވަހިކަން ޕޯޓަލް" މެދުވެރިކޮށެވެ.
މީގެއިތުރުން، އެޕްލިކޭޝަނާ ގުޅިގެން އަންނަ އެންމެހައި ބަދަލުތަކާއި ފޯމު އިސްލާހުކުރަން ޖެހޭކަމުގެ މައުލޫމާތު، ޕޯޓަލް މެދުވެރިކޮށް އަދި އެސް.އެމް.އެސް މެދުވެރިކޮށް އެޕްލިކަންޓުންނަށް އަންގަމުންދާނެ ކަމަށްވެސް މިނިސްޓްރީން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
