ހދ. ހަނިމާދޫގައި ކަރަންޓުގެ ޚިދުމަތް ހަރުދަނާކުރުމުގެ ގޮތުން 1200 ކިލޯވޮޓުގެ އައު ޖެންސެޓެއް އެ ރަށަށް ގެންގޮސްފިއެވެ.

ފެނަކައިން ބުނީ މި ޖެންސެޓް ގެންދިޔައީ ހަނިމާދޫގެ ރައްޔިތުންނަށް މެދުކެނޑުމެއް ނެތި އިތުބާރު ހިފޭ ކަރަންޓުގެ ޚިދުމަތެއް ފޯރުކޮށްދިނުމުގެ ބޭނުމުގައި ކަމަށެވެ.

މީގެ ކުރިން ހަނިމާދޫ އިންޖީނުގޭގައި ކަރަންޓު އުފެއްދުމުގެ ޖުމްލަ ޤާބިލުކަމަކީ 3500 ކިލޯވޮޓެވެ. އަލަށް ގެންދިޔަ ޖެންސެޓް އިންސްޓޯލްކޮށް ބޭނުންކުރަން ފެށުމުން އެ ޢަދަދު 4400 ކިލޯވޮޓަށް އިތުރުވެގެންދާނެ ކަމަށް ފެނަކައިން ބުނެފައިވެއެވެ.

މި ޖެންސެޓް އޮޕަރޭޝަނަށް ގެނައުމާ އެކު ޕީކް ގަޑިތަކުގައި ލޯޑު ބޮޑުވެގެން ދިމާވާ މައްސަލަތަކަށް ހައްލު ލިބޭނެ ކަމަށް ފެނަކައިން ބުނެފައިވެއެވެ.