ރާއްޖޭގެ އެކި ރަށްރަށުން 48 ޓީމު ބައިވެރިވުމާއެކު ކުރިއަށްދާ އުރީދޫ ނޭޝަން އެޓޯލް އީސްޕޯޓްސް ލީގު 2026 މިއަދު ފަށައިފިއެވެ.

ޕަބްޖީ މޮބައިލް ކުޅޭ މި މުބާރާތުގައި ބައެއް ރަށްރަށުން އެއް ރަށަކުން އެއަށްވުރެ ގިނަ ޓީމު ވާދަކުރެއެވެ. ޖުމްލަ ހަ ގްރޫޕަކަށް ބަހައިލައިގެން ކުރިއަށް ގެންދާ މި ލީގުގައި 18 ދުވަހުގެ ތެރޭގައި 75 މެޗު ކުޅޭނެއެވެ. މިފަހަރުގެ މުބާރާތަށް ފައިސާގެ އިނާމުގެ ގޮތުގައި 50000 ރުފިޔާ ވަނީ ކަނޑައެޅިފައެވެ.

މި މުބާރާތް ކުރިއަށްދަނީ 6 ގްރޫޕަކަށް ބަހާލައިގެން، 18 ދުވަހުގެ ތެރޭގައި ކުޅެވޭ 75 މެޗާއެކުގައެވެ. މި ލީގަކީ އީ2އެސް ގޭމިންގ، މޯލްޑިވްސް އިލެކްޓްރޯނިކް ސްޕޯޓްސް އެސޯސިއޭޝަން (މީސާ) އަދި ލީނިއަން ގުޅިގެން، މުޅި ރާއްޖޭގެ ގޭމަރުންނާއި ކޮމިއުނިޓީތައް އެއްތަންކުރުމަށް އިންތިޒާމުކުރާ މުބާރާތެކެވެ.

ރަށުގެ ފަޚުރާ ގުޅިފައިވާ މި ވާދަވެރި މުބާރާތުގެ ކޮންމެ މެޗަކީވެސް ނުހަނު މުހިންމު މެޗަކަށް ވާއިރު، މިއީ ރާއްޖޭގެ އީސްޕޯޓްސް ދާއިރާގައި ކުރިއަރަމުން އަންނަ ހުނަރުވެރިން ފެނިގެންދާނެ ފޯރިގަދަ މުބާރާތަކަށް ވެގެންދާނޭކަމަށް އުރީދޫއިން ބުނެއެވެ.