ޢިރާޤުން ފޮނުވި ޑްރޯނުތަކެއް ބޭނުންކޮށް ސަޢޫދީ ޢަރަބިއްޔާގެ އީސްޓް-ވެސްޓް ތެޔޮ ހޮޅިއަށް ދިން ހަމަލާއާ ގުޅިގެން، މެދުއިރުމަތީގެ ހަމަނުޖެހުން ފުޅާވަމުންދާ ދަނޑިވަޅެއްގައި، ސަޢޫދީން އެ ހޮޅި ބަންދުކޮށްފިއެވެ.
1،200 ކިލޯމީޓަރު ދިގު މި ހޮޅިއަކީ ދުނިޔޭގެ އެންމެ ބޮޑު ސާފުނުކުރާ ތެޔޮ ބޭރުކުރާ ޤައުމު ކަމަށްވާ ސަޢޫދީ ޢަރަބިއްޔާއިން ސްޓްރެއިޓް އޮފް ހޯމުޒް ބައިޕާސްކުރުމަށް ބޭނުންކުރަމުން އައި ހޮޅިއެކެވެ.
މި ހޮޅިން ދުނިޔޭގެ ތެޔޮ ސަޕްލައިގެ ހަތަރެއް އިންސައްތައާއި ފަހެއް އިންސައްތައާ ދެމެދުގެ މިންވަރެއް އުފުލަމުން ގެންދިޔަ ކަމަށް ރޮއިޓާސް ރިޕޯޓުކޮށްފައިވެއެވެ.
ސަޢޫދީގެ ޚާރިޖީ ވުޒާރާއިން ބުނެފައިވަނީ ރައްކާތެރިކަމުގެ ފިޔަވަޅެއްގެ ގޮތުން އެ ހޮޅި ބަންދުކޮށްފައިވާ ކަމަށެވެ.
ހަމަލާގެ ސަބަބުން ބައެއް މީހުންނަށް އަނިޔާވެ ގެއްލުންތަކެއް ލިބިފައިވާ ކަމަށާއި، ގެއްލުމުގެ މިންވަރު ދެނެގަތުމުގެ މަސައްކަތް ކުރިއަށްދާ ކަމަށް ވެސް އެ ވުޒާރާއިން ބުނެފައިވެއެވެ.
"ޢިރާޤުން އަވައްޓެރި ޤައުމުތަކަށް ދޭ ހަމަލާތައް ހުއްޓުވުމަށް ޢިރާޤު ސަރުކާރުން ކުރާ މަސައްކަތަށް ސަޢޫދީން ތާއީދުކުރާނެ" ކަމަށެވެ. އަދި "ސަޢޫދީ ޢަރަބިއްޔާގެ ސިޔާދަތާއި ސެކިއުރިޓީ ރައްކާތެރިކޮށް، ތަންތަން ޙިމާޔަތްކޮށް، ރައްޔިތުންނާއި ރެޒިޑެންޓުންގެ ސަލާމަތް ކަށަވަރުކުރުމަށް އެޅެން ހުރި ހުރިހާ ފިޔަވަޅެއް އެޅުމުގެ ޙައްޤު ލިބިގެންވާ"
ސަޢޫދީގެ ޚާރިޖީ ވުޒާރާގެ ބަޔާނުގައި ބުނެފައިވެއެވެ:
ޢިރާޤުގެ ބޮޑުވަޒީރުގެ އޮފީހުން ނެރުނު ބަޔާނެއްގައި ބުނެފައިވާ ގޮތުން، އީރާނާ އިންވެގެން އޮންނަ މައިސާން ޕްރޮވިންސުން ޑްރޯނު ހަމަލާ ފޮނުވިކަން ޔަޤީންވުމާ ގުޅިގެން، އެ ސަރަޙައްދުގެ ޢަސްކަރީ ކޮމާންޑަރު މަޤާމުން ދުރުކޮށް ތަޙުޤީޤެއް ފަށާފައިވެއެވެ. ޢިރާޤުގެ ބޮޑުވަޒީރު ގުޅުއްވުމާ ގުޅިގެން މި ވަގުތު ރައްދު ހަމަލާއެއް ނުދިނުމަށް ސަޢޫދީން ނިންމާފައިވެއެވެ.
ސެޓެލައިޓް ފޮޓޯތަކުން ހަމަލާ އެރި ސަރަޙައްދުގައި ބިންގަނޑު އަނދައި ދުން އަރާ މަންޒަރު ފެނިފައިވެއެވެ.
Advertisement
This content is created and paid for by advertisers and does not involve Voice Journalists
