މޯލްޑިވްސް އިސްލާމިކް ބޭންކް (އެމްއައިބީ) ގެ މާލެ އާއި ހުޅުމާލޭގެ ތިން ބްރާންޗަކުން މިއަދު އެކައުންޓް ހުޅުވުމުގެ ޚިދުމަތް ދޭނެ ކަމަށް އެ ބޭންކުން ބުނެފިއެވެ.

އެކައުންޓް ހުޅުވުމުގެ ހިދުމަތްދޭނީ މެދުޒިޔާރަތް މަގުގައި ހުންނަ އެމްއައިބީގެ ހެޑް އޮފީހާއި އާޓިފިޝަލް ބީޗް ކައިރީގައި ހުންނަ ރީޓެއިލް ބޭންކިން ބްރާންޗާއި ހުޅުމާލެ ބްރާންޗުންނެވެ.

ހެނދުނު 10:00 އިން މެންދުރު 2:00 އާ ދެމެދު މި ޚިދުމަތް ދޭނެ ކަމަށް އެ ބޭންކުން ބުނެފައިވެއެވެ. ބަންދު ދުވަހެއްގައި މި ޚިދުމަތް ދިނުމަށް ނިންމި ސަބަބެއް އެމްއައިބީން ހާމަކޮށްފައެއް ނުވެއެވެ.