ރާއްޖޭގެ އިމާމުން ނަމާދު ކުރާއިރުލާނެ ހެދުމެެއްގެ ނަކަލެއް އާންމުކޮށް އާންމުންގެ ހިޔާލަށް ހުޅުވާލައިފި އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިރޭ ވަނީ އިމާމުންނާއި ހަތީބުންނަށް ހާއްސަ ހެދުމުގެ ނަކަލެއް އާންމުކޮށްފަ އެވެ. މިނިސްޓަރު ވިދާޅުވީ މިއީ ނަކަލެއް ކަަމަށާ އާންމުންގެ ހިޔާލަށް ހުޅުވާލާފައިވާ ކަމަށެވެ.
މިނިސްޓަރު ވިދާޅުވީ މިއީ އަދި ފުރަތަމަ ސްޓޭޖުގައިވާ ކަމެއް ކަމަށާ މިކަން ނިމިގެންދާން ބޭނުންވަނީ ވީހާވެސް ގިނަ ހިޔާލުތަކާއިއެކު އުފެދޭ ނަތީޖާއެއްގެ މައްޗަށް ކަމަށެވެ.
ޝަހީމް އާންމުކުރެއްވި ކުރެހުންތައް --<br>
އަދި ވިދާޅުވީ އިމާމުންނާއި ހަތީބުންނަށް ހާއްސަކޮށް ތައްޔާރުކުރާ ހެދުމަކީ ރާއްޖޭގެ ތާރީހާއި ސަގާފަތުގެ އަސަރު ހިމެނޭ ހެދުމަކަށް ވާނެ ކަމަށެވެ.
މިނިސްޓަރު ވިދާޅުވި ގޮތުގައި އިމާމުންގެ ހެދުން ފަރުމާކުރުމުގައި ބަލާނީ އާސާރީ މިސްކިތްތަކާއި ތާރީހުން ފެންނަން ހުރި ދިވެހިވަންތަ އިސްލާމީ ހަޝާރަތުގެ ބަހާތަކުގެ މައްޗަށް ކަމަށެވެ.
މިނިސްޓްރީގެ އަމާޒަކީ އަންނަ ރޯދަމަހަށް ތަންފީޒުވާ ގޮތަށް މިކަން ނިންމުން ކަމުގައިވެސް ވިދާޅުވި އެވެ.
ޝަހީމް އާންމުކުރެއްވި ކުރެހުންތައް --
އިމާމުވެ ނަމާދުކުރާއިރު ތާކިހާ ހިމެނޭހެން އަޅާނެ ހެދުމެއް ދިވެހި އިމާމުންނަށް އޮތުމަކީ ރަނގަޅު ކަމެއްގެ ގޮތުގައި މިނިސްޓަރު ފާހަގަ ކުރެއްވި އެވެ.
Advertisement
This content is created and paid for by advertisers and does not involve Voice Journalists
