13 އަހަރުގެ ޖަލު ހުކުމެއް އައިސްފައިވާ ކުރީގެ ރައީސް މުހައްމަދު ނަޝީދު މިނިވަންކުރުމަށް ޕްރޮސެކިއުޓާ ޖެނެރަލް އާއި ސުޕްރީމް ކޯޓުގައި އިލްތިމާސް ކުރަން އިއްޔެ މަޖިލީހުގައި ފާސްކޮށްފިއެވެ.
ޕްރޮސެކިއުޓާ ޖެނެރަލާއި ސުޕްރީމް ކޯޓުގައި އިލްތިމާސް ކުރަން ފެންނަ ނުފެންނަ ކަމަށް ވޯޓައް އެހުމުން، 48 މެންބަރުން ވަނީ ފެންނަކަމަށް ވޯޓު ދެއްވާފައެވެ. ނުފެންނަ ކަމަށް ވޯޓު ދެއްވީ 4 މެންބަރުންނެވެ. އަދި ވަކި ކޮޅަކަށް ވޯޓު ނުދެއްވާ ތިއްބެވީ ފަސް މެންބަރުންނެވެ.
އެހެންކަމުން މިމައްސަލަވަނީ މިނިވަން މުއައްސަސާތަކާ ބެހޭ ކޮމިޓީއަށް ފޮނުވުމަށް ވަނީ ނިންމާފައެވެ.
ނަޝީދު މިނިވަން ކުރުމާބެހޭ ގަރާރު މަޖިލީހަށް ހުށައެޅީ ޖުމްލަ 49 މެންބަރުންގެ ސޮއާ އެކު ގަލޮޅު އުތުރު ދާއިރާގެ މެމްބަރު އީވާ އަބްދުﷲއެވެ. އޭގެތެރޭގައި 13 ޕީޕީއެމް މެންބަރުންވެސް ހިމެނެއެވެ.
މީގެ އިތުރުން ރައީސް ނަޝީދުގެ މައްސަލަ އިތުރަށް މުރާޖާކުރުމަށް ޕްރޮސެކިއުޓާ ޖެނެރަލް އޮފީހުން އިއްޔެގެ ވަގުތެއްގައި ވަނީ ސުޕްރީމް ކޯޓަށް ހުށަހަޅާފައެވެ.
ރައީސް ނަޝީދު 1 ނޮވެމްބަރ ގައި ރާއްޖެ ވަޑައިގަންނަވާއިރު އެމަނިކުފާނު ނިސްބައްވެ ވަޑައިގަންނަވާ ޕާޓީ ކަމަށްވާ އެމްޑީޕީ އިން ވައުދު ވީ ފަދައިން އެބޭފުޅުން ދަނީ ނަޝީދު މިނަވަން ކުރަން ކުރެވުނުހާ މަސައްކަތެއް ކުރަމުންނެވެ.
Advertisement
This content is created and paid for by advertisers and does not involve Voice Journalists
