ލިވަޕޫލް ބަލިވުމުން އެޓްލެޓިކޯ ކުޅުނު ގޮތާމެދު ކްލޮޕް ހިތްހަމަނުޖެހުން ފާޅުކޮށްފި

12 Mar 2020 | 14:50

ޗެންޕިއަންސް ލީގުގެ ގަދަ 16 ގައި ލިވަޕޫލް އަދި އެޓްލެޓިކޯ މެޑްރިޑް ވާދަކުރި މެޗް 3-2 ކުން އެޓްލެޓިކޯ ކާމިޔާބުކޮށް ޖުމްލަ 4-2 ގެ އެގްރިގޭޓް ނަތީޖާއަކުން އެޓްލެޓިކޯ ކުއާޓާ ފައިނަލުން ޖާގަަ ކަށަވަރު ކުރުމައި ގުޅިގެން ލިވަޕޫލްގެ ކޯޗް ކްލޮޕް އެޓްލެޓިކޯ ކުޅުނު ސްޓައިލާމެދު ހިތްހަމަނުޖެހުން ފާޅުކޮށްފިއެވެ.

އެގޮތުން ކްލޮޕް ބުނީ އެޓްލެޓިކޯގެ އޮތީ ކޮލެޓީ ސްކޮޑެއް ކަމަށައި އެޓީމް ފަހަތަށް ފައިބައިގެން ކައުންޓާ އެޓޭކިންގ ފުޓްބޯޅަ ކުޅެންޖެހޭ ސަބަބެއް އޭނާއަށް ނުވިސްނޭ ކަމުގައެވެ. އިދިކޮޅުން ނުކުތް އެޓްލެޓިކޯ ކުޅުނީ ހަތަރު ކުޅުންތެރިން ހިމެނޭ ދެ ޑިފެންސިވް ލައިންއާއެކު ކަމަށްވެސް އޭނާ ފާހަގަކޮށްފައިވެއެވެ. ލިވަޕޫލް ރަނގަޅު ކުޅުމެއް ދައްކާ ބަލިވުމުން އެކަން ގަބޫލުކުރަން ދަތިކަމަށްވެސް ކްލޮޕް ބުނެފައިވެއެވެ.

މި މެޗުގައި ލިވަޕޫލްވަނީ ޖުމްލަ 35 ޝޮޓް ހެދިއިރު އެޓްލެޓިކޯގެ ކީޕަރު އޮބްލަކް ވަނީ އޭގެ ތެރެއިން ގިނަ ހަމަލާތަކެއް ހުޝިޔާރުކަމާއެކު މަތަކޮށްފައެވެ. މެޗުގެ މޮޅު ކުންތެރިޔަކަށް ހޮވިފައިވަނީވެސް އޮބްލަކްއެވެ.

ޗެންޕިއަންސް ލީގުގައި ރޭ ކުޅުނު އަނެއް މެޗުގައި ޕީއެސްޖީ ވަނީ ފަސޭހަކަމާއެކު ބުރޫޝިއާ ޑޯޓްމަންޑް އަތުން 2-0 ކުން މޮޅުވެ 3-2 ގެ އެގްރިގޭޓް ނަތީޖާއަކުން ކުއާޓާއަށް ގޮސްފައެވެ. 

Advertisement

ކޮމެންޓް