އިސްލާމްދީނުގައި މިޔުޒިކު ކުޅުމަށް ކުޑަ ކުޑަ ފުރުސަތެއް އޮތް ނަމަވެސް އެކަން ދޫކޮށް ނުލީމުސްކަމަށް ރާއްޖޭގެ ކުރީގެ މަޝްހޫރު ލަވަ ކިޔުންތެރިޔާ ޢަލީ ރަމީޒު ބުނެފިއެވެ.

ޢަލީ ރަމީޒް މިހެން ބުނެފައިވަނީ މިރޭ އޭނާ ފޭސްބުކްގައި ކުރި ޕޯސްޓެއްގައެވެ.

ރާއްޖޭގެ މިއުޒިކު ރަސްގެފާނުގޮތުގައި މިހާރުވެސް ގިނަބަޔަކު ސިފަކުރާ ޢަލީ ރަމީޒު ވަނީ މީގެ 17 ވަރަށް އަހަރުކުރިން މިއުޒިކީ ދުނިޔެއިން ދުރުވެފައެވެ. އޭގެ ފަހުން އޭނާ ފެނިފައިވަނީ އިސްލާމް ދީނަށް މީހުން އަހުލުވެރިކުރުމުގެ މަސައްކަތުގައި ކަންފާހަގަކޮށްލަންޖެހެއެވެ. އެގޮތުން ޢަލީ ރަމީޒަކީ ރާއްޖޭގެ އެންމެ ބޮޑު އަދި ހަރަކާތްތެރި ދީނީ ޖަމިއްޔާ ސަލަފްގެ އޮޕަރޭޝަން މެނޭޖަރެވެ.

ޢަލީ ރަމީޒްގެ ފޭސްބުކް ޕޯސްޓުން ޒުވާނެއްގެ ހަޔާތް ބަދަލުވެގެން ދިޔަ ގޮތުގެ ވާހަކަ:

ޢަލީ ރަމީޒް ވަނީ އޭނާގެ ޕޯސްޓުގައި މިއުޒިކާއި ދުރުވި ޒުވާނެއްގެ ވާހަކަ ހިއްސާކޮށްފައެވެ. އެގޮތުން މިޔުޒިކު ކުޅުމާއި ގުޅޭގޮތުން ޒުވާނަކު މީގެ ދެތިން ދުވަސްކުރިން ޢަލީ ރަމީޒަށް މެސެޖުކުރިކަމަށާއި އަދި އެޒުވާނާއަށް ކުރު ޖަވާބެއް ދީފައިވާނެކަމަށެވެ.

"އޭގެ އަނެއްދުވަހު އެ ޒުވާނާ އަޅުގަނޑަށް ފޮނުވި 3 ފޮޓޯ އެ ފެންނަނީ. (އޭނާ ކުޅެން ގެންގުޅުނު ގިޓާތައް ބިންދާލުމަށްފަހު އެ ގިޓާ ތަކުގަ އަލިފާން ޖަހާ ރޯކޮށްލާފައިވާ މަންޒަރު) ފޮޓޯތަކާއި އެކު ލިޔެފައި އިނީ "އަލްމަދުލިﷲ" މިހެން އެކަނި. ގިޓާ ކުޅެމުން ދިޔަ އެ ޒުވާނާ މިހާރު އެ ވަނީ ﷲ ހަރާމް ކުރެއްވި މިއުޒިކުން އަތް ދޫކޮށްލާފައި" ޢަލީ ރަމީޒްގެ ޕޯސްޓުގައި ބުނެފައިވެއެވެ.

އަލީގެ ޕޯސްޓް ނިންމާލާފައިވަނީ އެ ޒުވާނާއަށާއި އަދި ޢަލީގެ އިތުރުން އެންމެހައި ޒުވާނުންނަށް ސާބިތުކަން ދެއްވުން އެދި ދުޢާ ކުރަމުންނެވެ.

ޢަލީ ރަމީޒު ލަވައާއި މިއުޒިކުން ދުރުވުމަށް ފަހު ވަނީ ޢާންމުންގެ މެދުގައި ބޮޑު މަޤުބޫލްކަމެއް ހޯދި އެތަކެއް މަދަހަތަކެއް ކިޔާފައެވެ.