އޮންލައިން ވިޔަފާރިތަކަށް "ޑީ2ޑީ ޑެލިވަރީ"ގެ ހިދުމަތް!
ގްރޭޓާ މާލެ ސަރަހައްދު ލޮކްޑައުން ކުރުމާއެކު މާލެ ސަރަހައްދުގެ ވިޔަފާރިތަކަށް މިވަނީ ބޮޑެތި ގޮންޖެހުންތަކަކާއި ކުރިމަތިލާންޖެހިފައެވެ. ކުއްލިގޮތަކަށް މުޅި ވިޔަފާރި ޑެލިވަރީއަށް ބަރޯސާވަންޖެހުމުން ކުދި ވިޔަފާރިތައްވަނީ ހުއްޓުމަކަށް އައިސްފައެވެ. ނަގަންޖެހޭ ފާހާއި، މުވަޒަފުންގެ ދަތިކަމުން ކުދި ވިޔަފާރިތައް ވަނީ ފުރަބަންދާއެއްކޮށް ބަންދުކުރެވިފައެވެ.
މީގެ ތެރެއިން ރާއްޖޭގައި އޮންލައިން ވިޔަފާރި ކުރަމުން އަންނަ ގިނަ ފަރާތްތަކެއްގެ ވިޔަފާރި ލޮކްޑައުންނާއެކު ހުއްޓިފައިވާ މައިގަންޑު އެއް ސަބަބަކީ ޑެލިވަރީކޮށްދެވޭނެ ފަރާތްތެއްނެތުމެވެ.
އެހެންކަމުން އޮންލައިން ވިޔަފާރިތަކަށް ދޮރުން ދޮރަށް ޑެލިވަރީ ހިދުމަތް ދިނުމަށް "ޑީ2ޑީ ޑެލިވަރީން" ވަނީ އަތުކުރި އޮޅާލާފައެވެ.
"ވޮއިސް" އާއި ވާހަކަދައްކަމުން ޑީ2ޑީ ޑެލިވަރީގެ އޮފިޝަލް މައުލޫމާތު ދިންގޮތުގައި ލޮކްޑައުންނާއެކު އޮންލައިންކޮށް ވިޔަފާރި ކުރާ ބައެއްފަރާތްތަކުގެ މުދާ ޑެލިވާކުރަން ފަށާފައިވާކަމަށާއި، މިފަދަ ހިދުމަތެއް ދޭކަން ކުދި އޮންލައިން ވިޔަފާރި ކުރާ ފަރާތްތަކަށް އެނގުމާއެކު ޑެލިވަރީގެ ޑިމާންޑް މިހާރު ބޮޑުވެފައިވާކަމަށެވެ. އެހެންކަމުން އިތުރު މުވަޒަފުންނާއެކު ގިނަ ވިޔަފާރިތަކަށް ޑީ2ޑީ ގެ ޑެލިވަރީ ހިދުމަތް މިހާރު ފުޅާކުރަމުން އަންކަމަށް އޭނާ މައުލޫމާތުދިނެވެ.
ކޮވިޑް-19 އާއި ގުޅިގެން އަޅަންޖެހޭ އެންމެހައި ރައްކާތެރިކަމަކާއި އެކު މި ހިދުމަތް ފޯރުކޮށްދެމުން ދާއިރު މި ހިދުމަތް މާލެ، ހުޅުމާލެ އަދި ރަށު ފެރީތަކަށް އަރުވައިދިނުމުގެ ހިދުމަތްވެސް ދިނުމަށް ވަނީ ހަމަޖެހިފައެވެ.
ޑީ2ޑީ ޑެލިވަރީ ހިދުމަތް ބޭނުންވާ ވިޔަފާރިތަކުން ނުވަތަ އިތުރު މައުލޫމާތު ބޭނުންވާ ފަރާތްތަކުން 9924442 ނަންބަރަށް ގުޅުމުން ނުވަތަ ވައިބާ، ވަޓްސްއެޕް ކުރެއްވުމުން ޑީ2ޑީ ޑެލިވަރީގެ ޓީމުން އެ މައުލޫމާތެއް ފޯރުކޮށްދޭނެކަމަށް ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists