74 މެންބަރުންގެ ވޯޓާއި އެކު ރައްޔިތުންގެ މަޖިލީހުން ގާނޫނު އަސާސީއަށް އިސްލާހު ގެނެސްފިއެވެ.
މި އިސްލާހުގެ ސަބަބުން ލޯކަލް ކައުންސިލް އިންތިޚާބު ބޭއްވެންދެން މިހާރު ތިއްބެވި ކައުންސިލަރުންނަށް މަގާމުގައި ދެމި ތިއްބެވޭނެއެވެ. ސުޕްރީމް ކޯޓުގެ އިސްތިޝާރީ ލަފައެއްގެ ދަށުން މިފަދަ އިސްލާހެއް ގެންނަން ޖެހުނީ ކޮވިޑް-19ގެ ބަލިމަޑުކަމާއި ގުޅިގެން ކައުންސިލްތަކުގެ އިންތިޚާބު ނުބޭއްވި ލަސްވުމާއި ގުޅިގެން ކުރިމަތިވާ ގާނޫނީ ހުރަސްތަކަށް ހައްލެއް ހޯދައިދިނުމުގެ ގޮތުންނެވެ.
ފާހަގަކޮށްލެވޭ ގޮތުގައި މިރޭގެ ވޯޓުގައި އިދިކޮޅު ޕްރޮގްރެސިވް-ކޮންގްރެސް ކޯލިޝަންގެ އެއްވެސް މެންބަރެއް ބައިވެރިވެ ވަޑައިގެންފައެއް ނުވެއެވެ.
ސަބަބަކީ ވޯޓަށް އެހުމުގެ ކުރިން ނައިފަރު ދާއިރާގެ މެންބަރު އަހުމަދު ޝިޔާމްގެ ނަން އިއްވާ ތަޅުމުން ނެރުމުގައި ހިނގައިދިޔަ ހަމަނުޖެހުންތަކެއްގެ ސަބަބުން އަނިޔާވި މައްސަލަ ހުށައަޅަން އެފަރާތްތައް ފުލުސް އޮފީހުގައި ތިބުމެވެ.
Advertisement
This content is created and paid for by advertisers and does not involve Voice Journalists
