ފުލުހުން ބުނި ގޮތުގައި މަރުގެ މި މައްސަލާގައި ތުހުމަތުކުރެވޭ މީހާ ސްޓޭޝަނަށް ހާޒިރުވެފައިވަނީ މައްސަލައިގެ ރިޕޯޓު ލިބުމުން ސްޓޭޝަންގެ ހުރިހާ ފުލުހުން ކުށުގެ ވެއްޓަށް ދިޔަ ވަގުތު އެވެ. ސްޓޭޝަން ހުސްކޮށް ހުރީ އެ ސަބަބާއި ގުޅިގެންނެވެ.

މޫސައަށް ހަމަލާ ދިން ވަޅި މޯޑް އެއްލާނީ މޫދަށެވެ. އިއްޔެ ހަވީރު ފުލުހުން ވަނީ މޯޑްއާއެކު އެ ސަރަހައްދަށް ގޮސް މޫދުން ވަޅި ހޯދާފަ އެވެ.

މި މައްސަލާގައި ހައްޔަރު ކޮށްފައިވަނީ ހދ. ނޮޅިވަރަންފަރު، އަސަރީމަންޒިލް، އުމުރުން 29 އަހަރުގެ މުހައްމަދު އިބްރާހީމެވެ. އޭނާގެ ބަންދާއިމެދު ގޮތް ނިންމަން ކޯޓަށް ހާޒިރުކުރުން ޝަރީއަތް ނިމެންދެން ބަންދުކުރަން ވަނީ އަމުރުކޮށްފަ އެވެ.

ލ. މާވަށުގައި އިއްޔެ މަރާލި ޒުވާނާގެ ހަށިގަނޑު މާލެ ގެނައި ސަބަބު ފުލުހުން ހާމަކޮށްފިއެވެ.

މޫސަގެ ހަށިގަނޑު މިހާރު ވަނީ މާވަށުން ފޮނަދޫއަށް ގެންގޮސްފަ އެވެ. އަދި މާލެ ގެނައުމަށް ހަމަޖެހިފައިވާ ކަމަށް ވެ އެވެ. އެކަމާއި ގުޅިގެން ފުލުހުން ވަކި އެއްޗެއް ނުބުނެ އެވެ.