މޫސަ މަރާލުމުގެ ތުހުމަތު އޮތް މީހާ ޝަރީއަތް ނިމެންދެން ބަންދަށް
ލ. މާވަށުގައި ޒުވާނަކު މަރާލުމުގެ ތުހުމަތު އޮތް މީހާ ޝަރީއަތް ނިމެންދެން ބަންދު ކުރަން އަމުރުކޮށްފި އެވެ.
ވަޅިން ހަމަލާދީ މަރާލާފައިވަނީ މާވަށު ނަލަހިޔާގޭ އުމުރުން 29 އަހަރުގެ މޫސާ އިބްރާހީމެވެ. މި ހާދިސާ ހިނގާފައިވަނީ އިއްޔެ ހެނދުނުގެ ވަގުތެއްގައި އެރަށު ވޮލީކޯޓް ކައިރީގައެވެ.
މި މައްސަލާގައި ހައްޔަރު ކޮށްފައިވަނީ ހދ. ނޮޅިވަރަންފަރު، އަސަރީމަންޒިލް، އުމުރުން 29 އަހަރުގެ މުހައްމަދު އިބްރާހީމެވެ. އޭނާގެ ބަންދާއިމެދު ގޮތް ނިންމަން ކޯޓަށް ހާޒިރުކުރުން ޝަރީއަތް ނިމެންދެން ބަންދުކުރަން ވަނީ އަމުރުކޮށްފަ އެވެ.
ފުލުހުން ބުނި ގޮތުގައި އޭނާ އަކީ މަސްތުވާތަކެތީގެ ރެކޯޑް އޮންނަ މީހެކެވެ.
ފުލުހުން މިއަދު ބުނީ، މޫސަގެ ހަށިގަނޑު މާލެ ގެނެސްފައިވާ ކަމަށާ މާލެ ގެނައީ، ބޭނުންވާ އިތުރު ތަހުލީލުތައް ހެދުމަށް ކަމަށެވެ. ނަމަވެސް އިތުރު ތަފްސީލެއް ނުދެއްވައެވެ.
ދިވެހި ފުލުހުންގެ ޚިދުމަތުން ރޭ ބުނީ ހަމަލާ ދިނުމުގައި ބޭނުންކުރި ކަމަށް ބެލެވޭ ވަޅި ފުލުހުންގެ ޓީމުން ހޯދާފައިވާ ކަމަށެވެ. އެ ވަޅި ހޯދާފައި ވަނީ މޫދުންނެވެ.
Advertisement
This content is created and paid for by advertisers and does not involve Voice Journalists
