ބޭރުގައި އުޅޭއިރު މާސްކް އެޅުން މަޖުބޫރުކޮށްފި
ކޮވިޑް-19 ފެތުރެމުންދިއުމާއި ގުޅިގެން ރައްކާތެެރިކަމުގެ ފިޔަވަޅެއްގެ ގޮތުން، ބޭރުގައި އުޅޭ ވަގުތުތަކުގައި މާސްކް އެޅުން މަޖުބޫރުކޮށްފިއެވެ.
މިކަން ވަނީ ރައީސުލްޖުމްހޫރިއްޔާގެ އޮފީހުގެ ޓްވީޓަކުން ކަށަވަރުކޮށްދީފައެވެ.
ރައީސް އޮފީހުން ބުނީ ފާއިތުވެދިޔަ ދެ ހަފްތާގައި މާލޭ ސަރަހައްދުން ފެންނަމުންދާ ކޭސްތަކުގެ އަދަދު އިތުރުވަމުން އަންނަ ކަމަށާއި، ލޮކްޑައުނެއްގައި ނެތުމަކީ އެންމެންނަށްވެސް ފައިދާހުރި ގޮތްކަމަށެވެ.
އެހެންކަމުން ތިމާއާއި އެހެން ފަރާތްތަކަށް އެހީވުމަށްޓަކައި ބޭރު ތެރޭގައި އުޅޭއިރު، މަޖުބޫރުކޮށްފައިވާ ގޮތަށް މާސްކް އެޅުމަށާއި ބައްދަލުވާ މީހުންނާއި ދާ ތަންތަން މަދުކޮށް، އަތްދޮވެ އަދި އިޖްތިމާއީ ގައިދުރުކަން ތަންފީޒުކުރުމަށްވެސް ވަނީ އެދިފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
