ކޮވިޑް-19 އާއި ގުޅިގެން ގިނަ ކުޑަކުދިން ގޭގައި ތިބެން ޖެހުމުން މަޝްހޫރު ނެށުންތެރިޔާ ރޮބޯމޭން ތައާރަފްކުރި ސްޓޭ އެޓް ހޯމް ޗެލެންޖްގެ ވަނަތައް މިއަދު ހޮވާނެއެވެ.
މި ޗެލެންޖްގެ ވަނަތަކަށް ހޮވުނު ފަރާތްތައް އިއުލާންކުރުމަށް ހަމަޖެހިފައިވަނީ މިރޭ 19:00 ގައި ރޮބޯމޭންގެ ފޭސްބުކް ޕޭޖް މެދުވެރިކޮށެވެ.
އެގޮތުން މި ޗެލެންޖްގެ ލަކީ ޑްރޯއިން ހޮވޭ ފަރާތަކަށް އެލް މޯބައިލްއިން ހުށައަޅާފައިވާ 128 ޖީބީގެ އައިޕެޑެއް ލިބޭނެއެވެ. އަދި އެންމެ މަގުބޫލު ޕޯސްޓަށް ސަޚާ ފޮޓޯގްރަފީގެ 3000 ރުފިޔާގެ އަގުހުރި ފޮޓޯ ޝޫޓެއް ލިބޭނެއެވެ. އަދި މި ޗެލެންޖްގައި ބައިވެރިވި ކޮންމެ ކުއްޖަކަށް ހެޕީ މާކެޓްގެ ގިފްޓް ޕެކްއަކާއި ރޮބޯމޭން ޕިން ބެޖެއް ލިބޭނެއެވެ.
މި ޗެލެންޖް ކުރިއަށްގެންގޮސްފައިވަނީ އެއިޓް ކިއުބްޑް އަދި ވޮއިސްގެ އެހީތެރިކަމާއި އެކުގައެވެ. މި ޗެލެންޖްގެ މައިގަނޑު މަގްސަދަކީ ކުދިން ހާސްކަމުން ދުރުކޮށް، ބޭރަށް ނުދެވުނަސް ގޭތެރޭގައި ތިބެެގެން ހެލި ފެލިވެ އުޅުމުގެ ފުރުސަތު ފޯރުކޮށްދިނުމެވެ.
Advertisement
This content is created and paid for by advertisers and does not involve Voice Journalists
