މާލޭގެ މިސްކިތްތަކުގައި އަނެއްކާވެސް ޤުނޫތު ނާޒިލާ ކިޔަން ފަށައިފި
ކޮވިޑް-19ގެ ބަލިމަޑުކަން ފެތުރެމުންދާ މިންވަރު އިތުރުވަމުންދިއުމާއި ގުޅިގެން މާލޭ ސިޓީގެ މިސްކިތްތަކުގައި އަނެއްކާވެސްް ގުނޫތު ނާޒިލާ ކިޔަން ނިންމައިފިއެވެ.
މިކަން ހާމަކުރައްވާފައިވަނީ "ޕީއެސްއެމް ނިއުސް" އަށް ދެއްވި އިންޓަރވިއުއެއްގައި އިސްލާމިކް މިނިސްޓަރ ޑރ.އަހުމަދު ޒާހިރު އަލީއެވެ.
ޑރ.އަހުމަދު ޒާހިރު ވިދާޅުވީ މާލޭގެ މިސްކިތްތަކުގައި ޖަމާއަތުގައި ނަމާދުކުރަން ފެށި ފަހުން ގުނޫތު ކިޔުން ހުއްޓާލެވުނު ކަމަށެވެ. އެގޮތަށް އަމަލުކުރަން ފެށީ ޖަމާއަތުގައި ނަމާދު ކުރާއިރު ވީހާވެސް ކުރުކޮށް ނަމާދުކުރުމަށް ކަމަށް އެބޭފުޅާ ވިދާޅުވިއެވެ.
ނަމަވެސް މިހާރު މާލޭގައި މި ބަލި ފެތުރެމުންދާ މިންވަރު އިތުރުވުމާއި ގުޅިގެން ރެއިން ފެށިގެން ޖަމާއަތުގައި ކުރާ ފަރުޟު ނަމާދުތަކަށްފަހު ގުނޫތު ނާޒިލާ ކިޔަން އަންގާފައިވާ ކަމަށް މިނިސްޓަރ ވިދާޅުވިއެވެ. ގުނޫތު ނާޒިލާ ކިޔަވަނީ ބޮޑު ކާރިޘާއެއް ދިމާވުމުންނެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
