މަސްތުވާތަކެތީގެ މައްސަލައިގައި ހައްޔަރުކުރު ޝަހީބުގެ ޝަރީޢަތް ނިމެންދެން ބަންދުގައި ބަހައްޓަން ހައި ކޯޓުން ކުރި ޙުކުމަށް ސުޕްރީމް ކޯޓުން ތާޢީދުކޮށްފިއެވެ.
ޑްރަގް އެންފޯސްމަންޓް ޑިޕާޓްމަންޓާއި ފުލުހުންގެ އިންޓެލިޖެންސް އަދި މެރިން ޕޮލިސް ގުޅިގެން 2020 އޮކްޓޯބަރު 12 ވަނަ ދުވަހު ހިންގި އޮޕަރޭޝަނެއްގައި ކަނޑުމަގުން ރާއްޖެއަށް އެތެރެކުރި 130 ކިލޯގެ މަސްތުވާތަކެއްޗާއެކު ހައްޔަރުކުރި ޕީއެންސީގެ ކައުންސިލް މެމްބަރު ގއ.ވިލިގިނލީ ލައިޓްހައުސް ޝަހީބު އިބްރާހީމްގެ ޝަރީޢަތް ނިމެންދެން ބަންދުކުރަން ހައި ކޯޓުން އަމުރުކުރުމާއި ގުޅިގެން ސުޕްރީމް ކޯޓުން ވަނީ އެމައްސަލަ އިސްތިއުނާފް ކޮށްފައެވެ.
ޝަހީބް ކޯޓު އަމުރުގެ ދަށުން ދޫކޮށްލާފައިވަނީ ހެކި ހުރެގެން ފުރަތަމަ ފަހަރަށް މުއްދަތު ދިނުމަށްފަހުގައެވެ.
މިއަދު ސުޕްރީމް ކޯޓުން ކުރި ޙުކުމްގައި ވަނީ ޝަހީބް އިބްރާޙިމް ބަންދުކޮށްފައިވަނީ ޤާނޫނާއި ޚިލާފަށްކަމަށް ނުދެކޭކަމަށާއި ހައިކޯޓުގެ ޙުކުމަށް ބަދަލުގެންނަން ޖެހޭ ތަނެއްނެތް ކަމަށެވެ.
ފާހަގަކޮށްލެވޭ ގޮތުގައި ފުލުހުން ހިންގި މި އޮޕަރޭޝަނުގައި މަސްތުވާތަކެތި ރާއްޖެއިން އެތެރެކުރި ދޯނިން ހައްޔަރުކުރި މީހުންގެ ތެރޭގައިކުޑަކުއްޖަކުވެސް ހިމެނެއެވެ. ނަމަވެސް އެކުއްޖާގެ ބަންދަށް ޖުވެނައިލް ކޯޓުންވަނީ 10 ދުވަހުގެ މުއްދަތެއް ދީފައެވެ.
Advertisement
This content is created and paid for by advertisers and does not involve Voice Journalists
