ފަންނީ މީހުންނަށް ލިބުނު ފުލެޓު ދޫކޮށްލަން ތިޔަ ކިޔަނީ ޖައްވުގައި ފުލެޓު އަޅާފައިތޯ؟: ހީނާ
ހިޔާ މަޝްރޫޢުގެ ދަށުން، ފަންނީ މީހުންނަށް ލިބުނު ފުލެޓު ދޫކޮށްލުމަށް ސަރުކާރުން އެދިފައިވަނީ ޖައްވުގައި ފުލެޓު އަޅާފައިތޯ ޕްރޮގްރެސިވް ކޮންގްރެސް ކޯލިޝަނުގެ ތަރުޖަމާނު ހީނާ ވަލީދު ސުވާލު ކުރައްވައިފިއެވެ.
ހިޔާ ފުލެޓު ލިބުނު މީހުންގެ ތެރެއިން ފަންނީ ފަރާތްތަކަށް ޚާއްޞަ ކެޓަގަރީ ތަކުން ފުލެޓު ލިބި، އެ ފުލެޓު ދޫކޮށްލާ ފަރާތްތަކަށް އެހެން މަޝްރޫޢައަކުން ހަމަޖައްސާނީ ޖާގަ ތަނަވަސް ތިން ކޮޓަރީގެ ފުލެޓު ކަމަށް ޕްލޭނިން އެންޑް ހައުސިން މިނިސްޓްރީއިން ވަނީ ބުނެފައެވެ.
ފުލެޓު ދޫކޮށްލުމަށް ބޭނުންވާ މީހުންނަށް މިއަދުން ފެށިގެން، މިމަހުގެ 19 ވަނަ ދުވަހުގެ ނިޔަލަށް ވަނީ ފުރުޞަތު ހުޅުވައިލައިފައެވެ.
މިކަމާ ގުޅިގެން ހީނާ ފޭސްބުކްގައި ކުރެއްވި ޕޯސްޓެއްގައި ވިދާޅުވެފައިވަނީ މި ސަރުކާރަކީ، ރައީސް ޔާމީންގެ ވެރިކަމުގައި ވުޖޫދުގައި ނެތް ފުލެޓުތަކަކަށް ލިޔުން ދިން ކަމަށް ބުނެ އެވާހަކަ ދެއްކި ބައެއް ކަމަށެވެ.
"މިހާރު ތަނަވަސް 3 ކޮޓަރީގެ ފުލެޓު ޖައްވުގައި އަޅާފަތޯ ފަންނީ މީހުންނަށް ލިބުނު ފުލެޓު ދޫކޮށްލަން ތިޔަ ކިޔަނީ؟" ހީނާ ސުވާލު ކުރެއްވިއެވެ.
Advertisement
This content is created and paid for by advertisers and does not involve Voice Journalists