ޤިޞާޞް ހިފުމާއި(މަރަށްމަހު ހިފުން) ގުޅޭގޮތުން ރައްޔިތުންގެ މަޖިލީހުގެ އުނގޫފާރު ދާއިރާގެ މެންބަރު މުޙައްމަދު ވަޙީދު ދެއްކެވީ ވަރަށް ޖާހިލު ވާހަކައެއް ކަމަށް ކުރީގެ ނާއިބު ރައީސް ޑރ.މުޙައްމަދު ޖަމީލު އަޙްމަދު ވިދާޅުވެއްޖެއެވެ.
މަރަށްމަރު ހިފުމާއި ދެކޮޅަށް މެންބަރު މުޙައްމަދު ވަޙީދު ދެއްކެވި ވާހަކަ، އެމްޑީޕީން ދިފާއު ކޮށްފައިވާ ދަނޑިވަޅެއްގައި ޑރ.ޖަމީލު ކުރެއްވި ޓްވީޓެއްގައި ވިދާޅުވީ، މަރަށް މަރުހިފުމަކީ އިސްލާމްދީނުގެ އިތުރުން ކުރިއަރާފައިވާ އެތައް ޤައުމެއްގައިވެސް ދޭ އަދަބެއް ކަމަށެވެ.
"ވައްޑޭ ކުރީ ޖިނާޢީ ކުށެއް، ތަޙުޤީޤުކޮށް ފިޔަވަޅުއަޅަންޖެހޭ." ޑރ.ޖަމީލު އިތުރަށް ވިދާޅުވީ މެންބަރު ވަޙީދުގެ ސަބަބުން މުޖުތަމަޢުގައި ހަމަނުޖެހުން އުފެދުން ބޮޑު ކަމަށެވެ.
މަރަށް މަރު ހިފުމާއި ގުޅޭގޮތުން މެންބަރު ވަޙީދު ދެއްކެވި ވާހަކައަށް އެތައް ބައެއްގެ ފާޑުކިޔުން ވަނީ އަމާޒުވެފައެވެ.
Advertisement
This content is created and paid for by advertisers and does not involve Voice Journalists
