ފަލަސްތީނުގެ މައްސަލައިގައި އެމެރިކާއިން އަމަލުކުރަމުންދާ ގޮތާއި މެދު ޑރ.ވަހީދުގެ ފާޑުކިޔުން!
އިސްރާއީލުން ފަލަޞްޠީނުގެ ރައްޔިތުންނަށް ދެމުން ގެންދާ އަނިޔާތަކާއި ގުޅިގެން އެމެރިކާއިން އެކަންކަމަށް ހިތްވަރުދޭތީ، ކުރީގެ ރައީސް މުޙައްމަދު ވަޙީދު ޙަސަން ފާޑުވިދާޅުވެއްޖެއެވެ.
ރައީސް ވަޙީދު ރޭ ކުރެއްވި ޓްވީޓެއްގައި ވަނީ ފަލަސްތީނަށް އިސްރާއީލުން ދެމުންގެންދާ ހަމަލާތަކަށް އެމެރިކާއިން ހިތްވަރު ދެމުން ދާއިރު ޑިމޮކްރަސީ އާއި އިންސާނީ ޙައްޤުތަކުގެ ޗެމްޕިއަނެއްގެ ގޮތުގައި އެމެރިކާއަށް އޮވެވޭނީ ކިހިނެއްތޯ ސުވާލު އުފައްދަވާފައެވެ.
އެމެރިކާއިން ދަނީ އިސްރާއީލްގެ ޢަމަލުތައް އަބަދުވެސް ދިފާޢު ކުރަމުންނެވެ. އިސްރާއީލުން ފަލަޞްޠީނަށް ދޭ ހަމަލާތައް ދިފާޢުކޮށް، އދ. ނުވަތަ އެނޫންވެސް ޤައުމަކުން އިސްރާއީލާއި ދެކޮޅަށް މަސައްކަތް ކުރަން އުޅެފިނަމަ އެމެރިކާއިން އެ ދޭތެރެއަށް ވަދެ އެކަމެއް ހުއްޓުވައެވެ.
އެމެރިކާއިން އަބަދުވެސް ބުނަމުންދަނީ އެމެރިކާއިން ފަރުދާގެ ފުރަގަހުގައި، އިސްރާއީލާއި ފަލަޞްޠީނުގެ މައްސަލަ ޙައްލު ކުރުމަށް މަސައްކަތް ކުރާ ކަމަށެވެ. ނަމަވެސް އެގައުމުން ވަނީ މެދުއިރުމަތީގެ ސުލްހައަށް ހުރަސް އެޅޭފަދަ ގިނަ ކަންތައްތަކެއް ކޮށްފައެވެ.
އެގޮތުން އިރުމަތީ ޤުދުސަކީ އިޒްރޭލްގެ ވެރިރަށް ކަމުގައި ބަލައިގަތުން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
