ދޮޅުއަހަރަށް ވުރެ ގިނަ ދުވަހުގެ ސަސްޕެންޝަނަކަށް ފަހު މަޖިލީހުގެ ސާޖަންޓު އެޓް އާމްސްގެ މަގާމުން ވަކިކުރަން މަޖިލީހުން ފާސްކޮށްފިއެވެ. 

މަޖިލީހުގެ ޖަލްސާގައި ހަލީމް އެ މަގާމުން ވަކި ކުރުމަށް ފާސްކޮށްފައިވަނީ ވޯޓުގައި ބައިވެރިވި 25 މެމްބަރުންގެ އަޣުލަބިއްޔަތުންނެވެ. އެއް މެމްބަރަކު ވަނީ ވަކި ގޮތަކަށް ވޯޓު ދޭން ބޭނުން ނުވާ ކަމަށް ބުނެފައެވެ.

މަޖިލީހުގެ އާންމު ކޮމެޓީން ބަލަމުންދާ މައްސަލައަކާ ގުޅިގެން ހަލީމް ސަސްޕެންޑު ކުރީ އޭނާއަށް ލިބެންވާ މުސާރަ ލިބޭގޮތަށެވެ. ވަކި މުއްދަތެއް ނެތްގޮތަށް އޭނާ ސަސްޕެންޑު ކުރީ 2021 ވަނަ އަހަރުގެ ޖެނުއަރީގައެވެ.

Advertisement

އާންމު ކޮމެޓީން ހަލީމްގެ މައްސަލައަށް ގޮތެއް ނިންމުމަށްފަހު ހަމަ އެ އަހަރުގެ މެއި މަހު ވަނީ މައްސަލަ ނިންމި ގޮތުގެ ރިޕޯޓު މަޖިލީހުގެ ރައީސް މުހަންމަދު ނަޝީދަށް އަރުވާފައެވެ.

މައްސަލައިގެ ބާވަތުން ސިއްރު ބައްދަލުވުންތަކެއް ބާއްވައިގެން ކޮމެޓީން ހަލީމްގެ މައްސަލަ ބަލާފައިވާއިރު މަޖިލީހުގެ އިދާރީ މުވައްޒަފުން ތިބޭ ވައިބާ ގުރޫޕުން ވެސް އޭނާ ވަނީ ބޭރުކޮށްފައެވެ.

މަޖިލީހުގެ ސެކުއުރިޓީ ބެލެހެޓުމުގެ ޒިންމާ މަތިކޮށްފައިވަނީ ސާޖެންޓު އެޓް އާމްސްގެ މައްޗަށެެވެ. މީގެ ކުރިން މަޖިލީހުގެ ކޮޓަރި ކޮޅެއްގައި ދެކެވޭ ވާހަކަ އެޑުއެހުމަށް "ބަގު" ކުރުމަށް އާލާތްތަކެއް ހަރުކުރަން އުޅުނު ކަމަށް ރައްޔިތުންގެ މަޖިލީހުގެ ރައީސް ނަޝީދު ވަނީ ވިދާޅުވެފައެވެ.