2021 ވަނަ އަހަރު ނިޔާވެފައިވާ މީހަކު ފުލުހުންގެ ތަހުގީގަށް ހާޒިރުވުމަށް އަންގައި އިއުލާނު ކުރެވިފައިވަނީ އިދާރީ އޮޅުމަކުން ކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ފުލުހުންގެ ޓުވިޓާ އެކައުންޓުން މިއަދު ކުރި ޓްވީޓެއްގައި ނިޔާވެފައިވާ މީހަކު ފުލުހުންގެ ތަހުގީގަށް ހާޒިރުވުމަށް އަންގައި އިއުލާނު ކުރެވިފައިވަނީ އިދާރީ އޮޅުމަކުން ހާމަކޮށް އެފަދައިން ކަން ކުރެވުނީތީ ނިޔާވެފައިވާ މީހާގެ އާއިލާއާއި އާންމުންގެ ކިބައިން، ވަނީ މައާފަށް އެދިފައެވެ.
އަދި މިފަދަ ކަމެއް ތަކުރާރުވިޔަ ނުދިނުމަށްޓަކައި އަޅަންޖެހޭ ފިޔަވަޅުތައް އަޅައި، މިފަދަ ކަންކަމުގައި އަމަލުކުރަމުންގެންދާ އުސޫލުތަކަށް ގެންނަޖެހޭ ބަދަލުތައް މި އެއައްސަސާއިން ގެންނާނެކަމުގެ ޔަގީންކަންވެސް ވަނީ އަރުވާފައެވެ.
https://twitter.com/PoliceMv/status/1563799889855000578?t=V3aCBwP4Lx9K76WP8fquqA&s=19
އޮޅިގެން ފުލުސް އޮފީހަށް ހާޒިރުވާން ފުލުހުން އަންގައި އިއުލާން ކޮށްފައިވަނީ، އދ. ދަނގެތި/ ފެހިވިލާ، ޝަކްލު ޢަލީ (43އ) އެވެ. އޭނާ އަކީ، 19 ޖޫން 2021 ވަނަ ދުވަހު ނިޔާވެފައިވާ މީހެކެވެ.
ނިޔާވެފައިވާ މީހަކު ފުލުހަށް ހާޒިރުކުރަން އިއުލާން ކުރުމާއި ގުޅިގެން ގިނަ ބަޔަކު އަންނަނީ ފުލުހުންނަށް ފާޑުކިޔަމުންނެވެ. އަދި މިއީ ވަރަށް ޒިންމާދާރުކަން ކުޑަ ޢަމަލެއްގެ ގޮތުގައި އެފަރާތްތަކުން އަންނަނީ ސިފަކުރަމުންނެވެ.
Advertisement
This content is created and paid for by advertisers and does not involve Voice Journalists
