Advertisement

ކުށްކުރުން ގިނަވުމާއި ޤާނޫނުތައް ތަންފީޒު ނުކުރެވޭ ކަމަށްބުނެ ހުށަހެޅި މައްސަލަ ބޭރުކޮށްލައިފި

ރާއްޖޭގައި ކުށްކުރުން ގިނަވުމާއި ޤާނޫނުތައް ތަންފީޒު ނުކުރެވުމުގެ ސަބަބުން ރައްޔިތުންގެ މެދުގައި ބިރުވެރިކަން އިތުރުވަމުންދާ ކަމަށްބުނެ ރައްޔިތުންގެ މަޖިލީހަށް ހުށަހެޅި މައްސަލަ ތަޅުމުން ބޭރުކޮށްލައިފިއެވެ.

މި މައްސަލަ ރައްޔިތުންގެ މަޖިލީހަށް ހުށަހަޅުއްވާފައިވަނީ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރެވެ. އާދަމް ޝަރީފް ހުށަހަޅާފައިވާ މައްސަލައިގައި ބުނެފައިވަނީ, ރާއްޖޭގައި ގޮތްނޭނގޭ މަރުތަކާއި މަސްތުވާތަކެތީގެ ވިޔަފާރިއާއި އެކަމާގުޅިގެން ހިންގާ މާރާމާރީ އިތުރުވުމާއި ޖިންސީ ގޯނާކުރުމާއި އެކަމާގުޅިގެން އުފެދޭ މައްސަލަތައް ވަރަށް ބޮޑަށް އިތުރުވެފައިވާ ކަމަށާއި، މިކަންކަމުގެ ސަބަބުން މުޖުތަމައުގެ ތެރޭގައި ބިރުވެރިކަން އުފެދި, ކުށްކުރާ މީހުން މުޖްތަމައުގެ ތެރޭގައި މިނިވަންކަމާއެކު އުޅެމުންދާއިރު ފިޔަވަޅު ނޭޅުމުގެ ސަބަބުން ބައެއް ސިޓީތަކާއި ރަށްރަށް ހަލާކުގެ ތެރެއަށް ވެއްޓެމުންދާކަމަށެވެ.

އަދި އެފަދަ މައްސަލަތަކުގައި އަޅަންޖެހޭ އަވަސް ފިޔަވަޅު ނޭޅުމުގެ ސަބަބުން, ކުށްކުރާ ފަރާތްތަކަށް އާންމު ފަރާތްތަކުން އަނިޔާކޮށް, ގަންހިންގުންފަދަ ކަންކަން މުޖުތަމައުގައި އާންމުވަމުންދާކަމަށްވެސް އާދަމް ޝަރީފް ހުށަހެޅުއްވި މައްސަލައިގައި ބުނެފައިވެއެވެ. އަދި މިކަންކަމަށް ސަރުކާރުން އެކަށީގެންވާ ފިޔަވަޅު ނޭޅުމުގެ ސަބަބުން މުޖުތަމައުގައި ބިރުވެރިކަން އިތުރުވަމުންދާކަމަށްވެސް ބުނެފައިވެއެވެ.

Advertisement

މިމައްސަލައަށް ބަހުސްކުރަން ފެންނަ ކަމަށް ވޯޓު ދެއްވީ 7 މެންބަރަކު ވޯޓު ދެއްވި އިރު، ބަހުސް ކުރަން ނުފެންނަ ކަމަށް 25 މެމްބަރުން ވަނީ ވޯޓު ދެއްވާފައެވެ.

Advertisement

ކޮމެންޓް

Advertisement

Advertisement