އިސްލާމީ މަރުކަޒުގެ ގޯތިތެރެއަށް ބޮޑުކަމުދިޔަ މައްސަލާގައި ހައްޔަރުކުރި އިންޑިއާ މީހާ ފުލުހުންގެ ބަންދުން ދޫކޮށްލައިފިއެވެ.

މިދިޔަ ހުކުރު ދުވަހުގެ ރޭ 22:00 ހާއިރުއެވެ އިސްލާމީ މަރުކަޒުގެ ގޯތި ތެރެއަށް ބޮޑުކަމުދިޔަ މައްސަލައާއި ގުޅިގެން ހައްޔަރުކޮށްފައިވަނީ 40 އަހަރުގެ އިންޑިއާ ފިރިހެނެެއް ކަމަށް ފުލުހުން މައުލޫމާތު ދީފައިވެއެވެ.

އޭނާގެ ބަންދުގެ މުއްދަތު ޖެހުމަށް ކްރިމިނަލް ކޯޓަށް ހާޒިރު ކުރުމުން ބަންދު ކޮށްދިނީ އެއް ދުވަހަށެވެ.

Advertisement

ވުމާއެކު، އޭނާގެ ބަންދުގެ މުއްދަތު މިއަދު ހަމަވާއިރު, އެކަމާއި ގުޅިގެން "ވޮއިސް" އަށް މައުލޫތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ އޭނާގެ ބަންދުގެ މުއްދަތު ހަމަވުމާއި ގުޅިގެން މިހާރު ބަންދުން ދޫކޮށްލާފައިވާ ކަމަށެވެ. 

މިސްކިތުގެ ހުރުމަތް ކެނޑޭގޮތައް މިސްކިތައް ކުޑަ ކަމުދިޔުމާއި, ބޮޑު ކަމުދިޔުމުގެ މައްސަލަތައް މިފަހަކަށް އައިސް ދަނީ ފެންމަތިވުމުންނެވެ.

އެގޮތުން މީގެ ކުރިންވެސް މިސްކިތަށް ކުޑަކަމުދިޔަ މީހަކު ފުލުހުން ވަނީ ހައްޔަރުކޮށްފައެވެ. އެހެން ނަމަވެސް އެމީހާ އަކީ ނަފްސާނީ ބަލިމީހެކޭ ބުނެ ފިޔަވަޅު އެދެވޭ ފިޔަވަޅެއް އަޅާފައިނުވާކަން ފާހަގަކޮށްލަން ޖެހެއެވެ.